فیس بک کے پاکستانی دوست سے شادی کرنے والی بھارتی خاتون انجو کے والد نے اسے اپنے لیے مردہ قرار دے دیا۔

بھارتی میڈیا کے مطابق مدھیہ پردیش کے گوالیار ضلع کے بونا گاؤں میں نامہ نگاروں سے بات کرتے ہوئے اس کے والد گیا پرساد تھامس نے کہا کہ اس نے اپنے دو بچوں کا مستقبل برباد کر دیا ہے۔

پاکستان کے صوبہ خیبر پختونخوا ہ کا سفر کرنے والی اور منگل کے روز اپنے فیس بک دوست سے شادی کرنے والی ایک شادی شدہ بھارتی خاتون انجو کے والد کا کہنا ہے کہ وہ اپنے گھر والوں کے لیے مردہ ہونے کے برابر ہے۔

گیا پرساد تھامس کا کہنا تھا کہ جس طرح وہ اپنے دو بچوں اور شوہر کو پیچھے چھوڑ کر بھاگ گئی، اس نے اپنے بچوں کے بارے میں سوچا بھی نہیں۔ اگر وہ ایسا کرنا چاہتی تھی تو اسے پہلے اپنے شوہر کو طلاق دینی چاہیے تھی، وہ اب ہمارے لیے زندہ نہیں ہیں۔

جب ان سے پوچھا گیا کہ کیا انہوں نے اسلام قبول کر لیا ہے تو انہوں نے کہا کہ انہیں اس بارے میں کوئی اطلاع نہیں ہے۔

انجو کے والد نے کہا کہ اس کی 13 سالہ بچی اور 5 سالہ لڑکے کا کیا ہوگا ان کی دیکھ بھال کون کرے گا، انجو نے اپنے بچوں اور شوہر کا مستقبل برباد کر دیا ہے۔

ایک سوال کے جواب میں گیا پرساد تھامس نے کہا کہ وہ انجو کو واپس لانے کے بھارتی حکومت سے کوئی درخواست نہیں کریں گے، اور میری دعا ہے کہ اسے وہیں مرنے دیا جائے۔

گیا پرساد تھامس نے کہا کہ مجھے نہیں معلوم کہ اسے پاسپورٹ کیسے ملا، اور اس نے کس طرح ویزا حاصل کیا۔

واضح رہے کہ بھارتی خاتون انجو نے اسلام قبول کرنے کے بعد پاکستان میں اپنی فیس بک دوست سے شادی کی تھی اور اب ان کا نیا نام فاطمہ ہے۔

34 سالہ بھارتی خاتون خیبر پختونخوا کے ضلع اپر دیر میں اپنے 29 سالہ پاکستانی دوست نصر اللہ کے گھر میں گزشتہ چند روز سے مقیم تھی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں