بھارت کے لیجنڈری اداکار نصیر الدین شاہ نے اس مرتبہ فلم انڈسٹری کی کمائی پر ہی ضرب لگا دی۔

اداکار نصیر الدین شاہ کا کہنا ہے کہ اس فلم انڈسٹری کی کمائی کا زیادہ حصہ ’شیطان‘ لے جاتے ہیں۔

ایک تقریب کے دوران میڈیا سے غیر رسمی بات چیت میں نصیر الدین شاہ نے کہا کہ جب کوئی فلم اچھی چلنے لگتی ہے تو اس کی ساری کریم تو شیطان لے جاتے ہیں۔

نصیر الدین شاہ نے فلم ڈسٹری بیوٹرز اور ایگزی بیٹرز کو شیطان قرار دیا۔

نصیر الدین شاہ کا کہنا تھا کہ یہ ایک کڑوی سچائی ہے کہ جو لوگ انتہائی سخت محنت کرتے ہیں ان ہی کی اجرت سب سے کم ہے۔

ان کا کہنا تھا کہ وہ سامان اٹھا کر چلتے ہیں، تاروں کی حفاظت کےلیے کمر تک کے پانی میں شوٹ ختم ہونے تک کھڑے رہتے ہیں۔

 جبکہ ایسے ملازمین سے کوئی ایک پیالی چائے یا ایک گلاس پانی کو بھی نہیں پوچھتا۔

واضح رہے نصیر الدین شاہ نے اختتام میں برے افسوس سے کہا کہ فلم کے مکمل ہونے تک یہ لوگ کام کرتے ہیں اور جب فلم کامیاب ہوجائے تو ڈسٹری بیوٹرز اور ایگزی بیٹرز نام کے شیطان اس کی ملائی کھاجاتے ہیں اور وہ لوگ جو ہمارے خوابوں کو سچ کرتے ہیں، انہیں نہ کوئی جانتا ہے، نہ ان کی عزت کی جاتی ہے اور نہ ہی کوئی ایوارڈ دیا جاتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں