روس کے بلغراد علاقے کے گورنر نے کہا ہے کہ یوکرین نے روسی سرحدی گاؤں ژوراولیوکا پر کلسٹر بموں سے حملہ کیا ہے۔

غیر ملکی میڈیا کی خبروں کے مطابق روس کے بیلگورود علاقے کے گورنر نے کہا ہے کہ یوکرین نے گزشتہ روز یوکرین کی سرحد کے قریب ایک گاؤں پر کلسٹر گولہ بارود داغے تاہم اس میں کوئی جانی یا مالی نقصان نہیں ہوا۔

گورنر نے یہ بیان ہفتے کے روز اپنے ٹیلی گرام چینل پر روزانہ کی بریفنگ کے دوران بغیر کسی بصری ثبوت کے دیا۔ یوکرین کے حکام کی جانب سے فوری طور پر کوئی تبصرہ نہیں کیا گیا۔

گورنر کے مطابق بلغراد ضلع میں 21 توپ خانے کے گولے اور ملٹی پل لانچ راکٹ سسٹم کے تین کلسٹر گولہ بارود زورولیوکا گاؤں پر داغے گئے۔

واضح رہے کہ یوکرین کو رواں ماہ امریکہ کی جانب سے کلسٹر بم ملے تھے لیکن اس نے وعدہ کیا ہے کہ وہ انہیں صرف دشمن کے فوجیوں کو ہٹانے کے لیے استعمال کرے گا۔

کلسٹر بم میں درجنوں چھوٹے بم ہوتے ہیں جو ایک وسیع علاقے میں چھوٹے چھوٹے چھرے برساتے ہیں لیکن شہریوں کے لئے ممکنہ خطرے کی وجہ سے بہت سے ممالک میں ان پر پابندی عائد ہے۔

یوکرین نے بارہا کہا ہے کہ ان کا استعمال میدان جنگ تک محدود رہے گا۔

روس کا کہنا ہے کہ یوکرین کی مسلح افواج کی جانب سے اندھا دھند گولہ باری کی جا رہی ہے۔

یاد رہے کہ مئی اور جون میں یوکرین نواز مسلح گروپ کے جنگجوؤں کے سرحد پار کرنے اور روسی سکیورٹی فورسز کے ساتھ لڑائی شروع ہونے کے بعد یہ علاقہ تشدد کا شکار ہو گیا تھا۔

یوکرین نے روسی علاقے کے اندر حملوں کی ذمہ داری قبول نہیں کی ہے اور اس بات سے انکار کیا ہے کہ وہ سرحد پار چھاپوں میں ملوث تھا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں