بالوں کا لمبا،  گھنا اور سیدھا ہونا شخصیت کو متاثر کن بناتا ہے یہی وجہ ہے کہ خواتین کی بڑی تعداد بالوں  کولمبا اور گھنا بنانے کے لیے کئی طرح کے جتن اور ٹریٹمینٹس کرواتی ہیں تاکہ بالوں کے حسن کومزید بڑھایا جاسکے۔

تاہم بالوں کی لمبائی میں اضافہ کرنے کے لیے ان مسائل سے چھٹکارا پانے کا مشورہ بھی دیا جاتا ہے جو کہ بالوں کی افزائش میں سب سے بڑی رکاوٹ ہوتے ہیں۔

اس کے علاوہ اگر آپ کے بچے کے بال نہیں بڑھ رہے، یا پھر آپ کے بالوں کی افزائش بھی نہیں ہو پا رہی تو کئی آزمودہ طریقوں کی مدد سے بالوں کو لمبا کیا جا سکتا ہے۔

وٹامنز اور نیوٹرنٹس

کچھ لوگوں میں یہ غلط فہمی پائی جاتی ہے کہ وٹامنز اور نیوٹرنٹس کے استعمال سے تھوڑے ہی عرصے میں بالوں کو لمبا کیا جا سکتا ہے۔ وٹامنز اور نیوٹرنٹس کے استعمال سے بالوں کی لمبائی میں اضافہ تو ہوتا ہے مگر اس کے لیے کافی عرصہ درکار ہوتا ہے۔

پیاز کا عرق

بالوں کا لمبا کرنے کا ایک اورطریقہ پیاز کے عرق کا استعمال ہے۔ اس سبزی میں ایسی خصوصیات پائی جاتی ہیں جو کہ بالوں کو کمزور نہیں ہونے دیتیں اور انہیں ٹوٹنے سے بھی بچاتی ہیں۔ تاہم  صرف پیاز کو بالوں کی لمبائی کے لیے استعمال نہیں کرنا چاہیئے بلکہ اس کے عرق میں شہد اور کیسٹر آئل کو ملا کر استعمال کرنا چاہئے۔

انڈے کی زردی

انڈا کھانا ہی صحت کے لیے مفید نہیں ہے بلکہ اسے بالوں میں لگانا بھی کئی طرح سے فائدہ دیتا ہے۔ ایک عام اندازے کے مطابق ایک مہینے میں بالوں کی لمبائی آدھے انچ تک بڑھتی ہے۔ اگر انڈے کی زردی جیسی مؤثر چیزیں استعمال کی جائیں تو بالوں کی لمبائی میں مؤثر طریقے سے اضافہ کیا جا سکتا ہے۔ انڈے کی زردی کے استعمال سے بالوں کی لمبائی، چمک، اور خوبصورتی میں اضافہ ہوتا ہے۔

مختلف اقسام کے تیل

بالوں میں تیل کا استعمال صدیوں سے کیا جارہا جو کہ بہترین نتائج فراہم کرتا ہے تاہم لوگوں کی بڑی تعداد اپنے سر اور بالوں کی ساخت کے مطابق مختلف اقسام کے تیل استعمال کرتی ہے جیسے زیتون کا تیل، سسرسوں کا تیل، ناریل کا تیل، بادام کا تیل اورارنڈی کا تیل۔

تیل کی مختلف اقسام کو اگر باقاعدگی کے ساتھ استعمال کیا جائے تو بالوں کی لمبائی میں اضافہ ہو سکتا ہے ماہرین کا کہنا ہے کہ نہانے سے دو گھنٹے قبل بالوں کو تیل لگا کر مفید نتائج حاصل کیے جا سکتے ہیں۔

کیمیکلز سے بھرپور پروڈکٹس

بالوں کی حفاظت، لمبا اور گھنا بنانے کے لیے بازار میں کئی طرح کی مصنوعات دستیاب ہیں جو کیمیکلز سے بھر پور ہوتی ہیں ان میں شیمپوسر فہرست ہے جو کہ بالوں کی افزائش کو متاثر کر سکتا ہے۔ اس کے علاوہ کنڈیشنر کے استعمال سے بھی بالوں کی افزائش متاثر ہوتی ہے۔ اس لیے بالوں کی افزائش کے مسائل سے بچنے کے لیے ایسے شیمپو اور کنڈیشنر استعمال کرنے سے گریز کریں جو بالوں کی افزائش کو متاثر کریں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں