دنیابھر میں بلڈ پریشر کو توازن میں رکھنے کے لیے مختلف ادویات استعمال کی جاتی ہیں تاہم حال ہی میں کی جانے والی ایک تحقیق کے مطابق کچھ مشقیں بلڈ پریشر کو کم کرنے میں حیرت انگیز کام کرتی ہیں۔

بلڈ پریشرکو خاموش قاتل کہاجاتا ہے اور یہ کئی موذی امراض کی بنیادی وجہ بھی ہے، بلڈپریشر کی کوئی واضح علامات محسوس نہیں ہوتی اس لیے مریض وہ تمام کام اورغذا کو معمولات زندگی میں جاری رکھتا ہے جو اس کے بڑھنے کے اصل محرکات ہوتے ہیں۔

تاہم ایک تحقیق کے نتیجے میں یہ بات سامنے آئی ہے کہ جامد ورزشیں، جنہیں فٹنس کے ماہرین کے مطابق   آئسومیٹرک کہاجاتا ہے، جیسے چلنے، دوڑنے یا سائیکل چلانے کی نسبت بلڈ پریشر کو کم کرنے میں کار گر ثابت ہوتی ہیں۔

برٹش جرنل آف اسپورٹس میڈیسن میں شائع ہونے والی اس تحقیق کے مصنف ڈاکٹر جیمی اوڈرسکول کا ان مشقوں کے بارے میں کہنا ہے کہ یہ دو منٹ تک جاری رکھنے سے پٹھوں میں تناؤ بڑھتا ہے، پھر جب آپ آرام کرتے ہیں تو یہ اچانک خون کے بہاؤ کو بڑھا دیتی ہیں۔

کینٹربری کرائسٹ چرچ یونیورسٹی میں ان کی ٹیم نے 1990 سے شائع ہونے والے 270 ٹرائلز کے نتائج کا جائزہ لیا، جس میں تقریباً 16,000 رضاکار شامل تھے، یہ دیکھنے کے لیے کہ وہ بلڈ پریشر پر مختلف ورزشوں کے اثرات کے بارے میں کیا نتیجہ اخذ کر سکتے ہیں۔

ان کا خیال ہے کہ صحت کے حکام کو اب ہائی بلڈ پریشر کی روک تھام اور علاج کے لیے رہنما اصولوں کو اپ ڈیٹ کرنا چاہیے، جو دل کا دورہ پڑنے یا فالج کا باعث بن سکتا ہے۔

ماہرین کا کہنا ہے کہ بلڈ پریشر کے مریض دن میں دو بار جامد ورزشیں کر سکتے ہیں اور دل کی بیماری اور ہائی بلڈ پریشر سے محفوظ رہ سکتے ہیں۔

ساتھ ہی طرز زندگی کے دیگر مسائل جیسے تمباکو نوشی، الکحل اور نمک کا استعمال بھی اہمیت رکھتے ہیں اوعر ضروری ہے کہ ان سے بھی بچا جائے۔

یہاں چھ کم توانائی والی ورزشیں بتائی جارہی ہیں جو دباؤ کو دور کرسکتی ہیں۔

کاف ریز ہولڈ

اس مشق میں دونوں ہاتھوں میں وزن اٹھا کر پھر اپنی ایڑیاں زمین سے اٹھائیں، پھر اسی پوزیشن میں ایک منٹ تک کھڑے رہیں۔

اسکواٹ

بیٹھنے کی پوزیشن میں بیٹھیں اس کے بعد، اپنے آپ کو اسکواٹ پوزیشن میں نیچے رکھیں، جہاں تک ممکن ہو نیچے جائیں۔ اسے 30 سیکنڈ تک رکھنے کی کوشش کریں۔

اسٹیٹک لنج

اپنے ایک پیر کو موڑ کر آگے رکھیں جبکہ دوسرے پیر کو پیچھے اور ہاتھوں کو کمر پر رکھیں۔ یاد رہے کہ آپ کے گھٹنے کو 90 ڈگری تک جھکنا چاہئے۔ 30 سیکنڈ تک اس عمل کو جارہ رکھیں اور پھر دوسری ٹانگ سے دہرائیں۔

برج

زمین پر سیدھا لیٹیں پھر آہستہ سے اپنے کمر کو اٹھائیں تاکہ آپ کا پچھلا حصہ زمین سے اوپر ہو جائے۔ ایک بار جب آپ پل کی پوزیشن میں ہوں تو اسے دس سیکنڈ تک جاری رکھیں۔

وال اسکواٹ

یہ مشق بھی اسکواٹ کی طرح انجام دی جاتی ہے مگر اسے دیوار کے سہارے کے ساتھ کیا جاتا ہے۔

دیوار کے ساتھ ٹیک لگا کر بیٹھیں اور کولہوں کو 90 ڈگری کے زاویے پر گھٹنوں کے ساتھ بیٹھنے کی پوزیشن میں نیچے رکھیں۔ کم از کم دس سیکنڈ تک اس پوزیشن کو قائم رکھیں۔

پلانک

اپنے جسم کو سیدھا رکھیں، اپنے سر سے اپنی ایڑیوں تک، اور اپنے کندھوں کو نیچے رکھیں۔ جب تک آپ کر سکتے ہو اس پوزیشن کو اپنائیں رکھیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں