دنیا میں گندم کے بعد جو اناج سب سے زیادہ کھایا جاتا ہے وہ چاول ہے۔ چاول نہ صرف ایک سستا اور قابل رسائی اناج ہے بلکہ نرم اور ذائقہ دار ہونے کی بنا پر بے حد پسند کیا جاتا ہے۔ حیرت کی بات یہ ہے چاول نہ صرف پانی میں اگایا جاتا ہے بلکہ اسے بہت ہی آسانی سے پانی ہی میں پکایا جاتا ہے۔

 کلیئر کارلٹن ایم ایس جوکہ شمالی کیرولینا میں مقیم رجسٹرڈ غذائی اور ہاضمے کی صحت کی ماہر ہیں ان کا کہنا ہے کہ چاول غذائی اجزاء سے بھرپور ہونے کے ساتھ  قدرتی طور پر گلوٹین سے پاک فائبرحاصل کرنے کا مفید ذریعہ ہے۔

چاول کی کئی اقسام ہیں تاہم سفید اور بھورے جسے براؤن رائس کہاجاتا ہے بازار میں عام دستیاب ہیں۔ اس کے علاوہ چاول مختلف قسم کے رنگوں، ساخت اور سائز میں اگتا ہے اور ہر ایک منفرد ذائقہ اور صحت کے مختلف فوائد رکھتا ہے۔ ماہرین کے نزدیک چاولوں کی کون سی قسم صحت کے لیے مفید ہے جانتےہیں۔

بھورے چاول

بھورے چاول میں کئی طرح کے صحت بخش اجزاء جیسے بی وٹامنز، زنک اور میگنیشیم وافر مقدار میں موجود ہوتے ہیں اس میں بھی فائبر کی اعلیٰ مقدار موجود ہوتی ہے جو خون میں چینی کی سطح کوتوازن میں رکھنے میں معاون ثابت ہوتی ہے۔

بھورے چاولوں کا استعمال وزن کو کم کرنے میں مددفراہم کرتا ہے، نظام انہظام کو بہتر بناتا ہے، کولیسٹرول کو توازن میں رکھتا ہے اور ہڈیوں کی صحت کو بہتر بنانے میں معاون ثابت ہوتا ہے۔