190ملین پاؤنڈاسکینڈل اورتوشہ خانہ کیس میں چیئرمین پی ٹی آئی کی ضمانتیں خارج

ویب ڈیسک

10th Aug, 2023. 02:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

190ملین پاؤنڈاسکینڈل اورتوشہ خانہ کیس میں چیئرمین پی ٹی آئی کی ضمانتیں خارج

احتساب عدالت اسلام آباد نے 190ملین پاؤنڈاسکینڈل اورتوشہ خانہ کیس میں چیئرمین پی ٹی آئی کی ضمانتیں خارج کردیں۔

تفصیلات کے مطابق اسلام آباد احتساب عدالت کے جج محمد بشیر نے محفوظ فیصلہ سناتے ہوئے القادر ٹرسٹ کیس اور توشہ خانہ نیب کیس میں بھی چیئرمین پی ٹی آئی کی ضمانتیں خارج کردیں۔

چیئرمین پی ٹی آئی نے عبوری ضمانتیں کرا رکھیں تھیں، چیئرمین پی ٹی آئی کو اب ان دو کیسز کا بھی سامنا کرنا پڑے گا۔

190ملین پاؤنڈ کیس میں بشریٰ بی بی کی عبوری ضمانت کی درخواست بھی نمٹا دی گئی۔ نیب پراسیکیوٹر نےعدالت میں کہا کہ نیب کو بشریٰ بی بی کی گرفتاری درکار نہیں جس کے بعد جج محمد بشیر نے نیب کے بیان پر ان کی ضمانت قبل از گرفتاری کی درخواست نمٹا دی۔

بشریٰ بی بی کی 190 ملین پاؤنڈ کیس میں ضمانت قبل از گرفتاری کی درخواست پر احتساب عدالت اسلام آباد کے جج محمد بشیر نے سماعت کی۔

اس موقع پر جج محمد بشیر نے کہا کہ بشریٰ بی بی کے وارنٹ تو جاری نہیں ہوئے، تفتیشی افسر کہاں ہیں، ادھر کھڑے ہو جائیں، یہ کیس انکوائری ہے یا انویسٹی گیشن کی اسٹیج پر ہے؟

اس موقع پر سردارمظفرعباسی نے کہا کہ ابھی گرفتار کرنے کا کوئی آرڈر نہیں ہیں۔

وکیل خواجہ حارث نے کہا کہ یہ کیس اب انویسٹی گیشن میں تبدیل ہوگیا ہے، ہم مختلف عدالتوں کے فیصلوں کی کاپی پیش کرتے ہیں۔

وکیل انتظار پنجوتھہ نے کہا کہ مستقبل سے متعلق کوئی ضمانت دے دیں۔

جج محمد بشیر نے کہا کہ نیب والے گرفتار کر لیتے ہیں تو یہاں سے تو اچھا ہی ہوگا ناں، زرداری صاحب توخود کہتے تھے مجھے جیل بھیج دیں، پتا نہیں ان کو کیا تھا۔

وکیل خواجہ حارث نے کہا کہ ہماری آپ سے درخواست ہے آپ ہمیں ایک موقع دیں، ہم کوئی جان بوجھ کر ایسا نہیں کر رہے۔

علاوہ ازیں عدالت نے 190 ملین پاؤنڈاسکینڈل کیس میں بشری بی بی کو گرفتار نہ کرنے کا حکم دے دیا۔

بشریٰ بی بی حاضری لگا کر کمرہ عدالت سے روانہ ہوگئیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں۔