ماہرین صحت طویل عرصے سے یہ بات جاننے کے لیے کوشش کر رہے ہیں کہ روزانہ کتنے قدم چلنا آپ کی زندگی کو بڑھا سکتا ہے۔ سابقہ تحقیق کے مطابق روزانہ 10000 قدم چلنا طویل عمر کے لیے ضروری سجمھا جاتا تھا تاہم حال ہی میں کی جانے والی ایک تحقیق میں اب یہ تعداد 4000 ہزار کے قریب بتائی گئی ہے۔

نئی تحقیق کے مطابق روزانہ صرف 4,000 قدم آپ کو طویل عرصے تک زندہ رہنے میں مدد دے سکتے ہیں۔

ماہرین کا کہناہے کہ روزانہ 3,967 قدم چلنا کسی بھی وجہ سے قبل از وقت موت کے خطرے کو کم کرنے کے لیے کافی ہیں، تاہم قلبی بیماری سے موت کے خطرے کو کم کرنے کے لیے روزانہ قدموں کی یہ تعداد 2,337 بتائی گئی ہے۔

واضح رہے کہ سائنس دانوں نے ابھی تک روزانہ قدموں کی ایک مخصوص تعداد کی طرف نشاندہی نہیں کی ہے تاہم اس مطالعہ کے لیڈ مصنف میکیج بانچ، پولینڈ کی میڈیکل یونیورسٹی آف لوڈز میں کارڈیالوجی کے پروفیس کا کہنا ہے کہ جتنے قدم آپ چلیں گے اتنا ہی فائدہ حاصل ہوگا۔

محققین کا کہنا ہے کہ ہر روز صرف 4,000 قدم چلناموت کے خطرے کو کم کرنے کے لیے کافی ہو سکتا ہے، جو کہ بہت سے لوگوں کا خیال ہے کہ یہ 10,000 قدموں سے کہیں کم ہے جو صحت کے لیے بہترین ہے۔

یہ خبر ایک نئے میٹا تجزیہ کے بعد سامنے آئی ہے جسے یورپی جرنل آف پریوینٹیو کارڈیالوجی میں شائع کیا گیا ہے۔ یہ دنیا کا آج تک کا سب سے بڑا مطالعہ ہے جو روزانہ قدموں کی گنتی کی اہمیت کو ظاہر کرتا ہے۔

جبکہ بات یہی ختم نہیں ہوتی اگر آپ ہر دن اضافی 500 سے 1,000 قدم چلیں گے تو دل کی بیماری یا کسی بھی وجہ سے مرنے کے خطرے کو کم کر سکتے ہیں۔

یہ دیکھنے کے لیے کہ کتنے قدم موت کے خطرے کو کم کرنے کے لیے کافی ہیں محققین نے دنیا بھر میں 17 مختلف مطالعات میں تقریباً 227,000 شرکاء کے ڈیٹا کا تجزیہ کیا۔

اس تحقیق میں شامل کچھ شرکاء بلکل صحت مند تھے جبکہ دیگر میں امراض قلب کے ممکنہ خطرے والے عوامل جیسے ہائی بلڈ پریشرتھا، ان تمام کی اوسط عمر  64 برس اور اس میں 49 فیصد خواتین تھی۔ ان تمام شرکاء کا اوسطاً سات سال کے بعد فالو اپ کیا گیا تاکہ یہ دیکھا جا سکے کہ کس طرح قدموں کا شمار قلبی اموات کے خطرے اوردیگر وجہ اموات کے خطرے کو کم کرنے میں معاون ثابت ہوتا ہے۔

نتائج کے مطابق 3,867 قدم چلنا کسی بھی وجہ سے موت کے خطرے کو کم کرنے کے لیے ایک  بہترین تعداد ہے اور خاص طور پر دل کی بیماری سے موت کے خطرے کو کم کرنے کے لیے، حد 2,337 قدم تھی۔

جبکہ روزانہ اضافی 1,000 قدم چلنے سے کسی بھی وجہ سے ہونے والی اموات کے خطرے کو 15 فیصد تک اور ہر 500 اضافی قدموں پر، قلبی موت کے خطرے کو 7 فیصد کم کیا جکاسکتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں