ذرائع اسپیکرآفس کا کہنا ہے کہ راجا پرویزاشرف سپریم کورٹ کےفیصلے پرقانونی ماہرین سے مشاورت کریں گے۔

تفصیلات کے مطابق سپریم کورٹ کی طرف سے سپریم کورٹ ریویوآف ججمنٹس ایکٹ کو کالعدم قرار دینے کے معاملے پراسپیکر قومی اسمبلی راجہ پرویزاشرف سپریم کورٹ کے فیصلے پر قانونی ماہرین سے مشاورت کریں گے۔

ذرائع اسپیکر آفس کا کہنا ہے کہ سپریم کورٹ کا فیصلہ اسپیکر قومی اسمبلی راجہ پرویزاشرف کے علم میں آچکا ہے، اسپیکر آفس سپریم کورٹ کے 87صفحات پر مشتمل فیصلے کی کاپی جلد ہی سپیکر قومی اسمبلی کو پیش کرے گا۔

ذرائع نے بتایا کہ اسپیکر قومی اسمبلی راجا پرویزاشرف پہلے خود سپریم کورٹ کے تفصیلی فیصلے کاجائزہ لیں گے، اسپیکر قومی اسمبلی راجا پرویزاشرف جلد ہی سپریم کورٹ کے فیصلے پر پارلیمان کے قانونی ماہرین سے مشاورت کریں گے۔

ذرائع کا کہنا ہے کہ اسپیکر قومی اسمبلی کی طرف سے سپریم کورٹ کے فیصلے پراٹارنی جنرل آف پاکستان کو بھی قانونی مشاورت کے لئے بلایا جاسکتا ہے، اسپیکر قومی اسمبلی راجا پرویزاشرف قانونی ماہرین سے مشاورت کے بعد سپریم کورٹ کے فیصلے پر نظر ثانی کرنے یا نہ کرنے کا فیصلہ کریں گے۔

 ذرائع اسپیکر آفس کے مطابق زیادہ امکان یہی ہے کہ اسپیکر قومی اسمبلی راجا پرویزاشرف سپریم کورٹ کے فیصلے کے خلاف نظر ثانی اپیل کریں گے۔

واضح رہے کہ سپریم کورٹ نے ریویو آف ججمنٹس اینڈ آرڈرز ایکٹ کالعدم قرار دے دیا۔ خبر کی تفصیل  پڑھنے کے لیے لنک اوپن کریں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔