سری لنکا پریمیئر لیگ 2023 کے میچ میں ایک سانپ میدان میں گھس آیا جس کی وجہ سے کچھ دیر کے لیے میچ کو روکنا پڑا۔

تفصیلات کے مطابق سری لنکا پریمیئر لیگ 2023 میں بی لو کینیڈی اور جافنا کنگز کے درمیان ہونے والے میچ میں ایک سانپ میدان میں گھس آیا جس کی وجہ سے میچ کو روکنا پڑا۔

سری لنکا پریمیئر لیگ 2023 میں یہ دوسرا موقع ہے جب سانپ میدان میں گھس آیا۔

Snake in LPL…!!!!

Advertisement

A lucky escape for Udana. pic.twitter.com/R3Gg2yxVkh

— Johns. (@CricCrazyJohns) August 13, 2023

بی لو کینڈی نے لنکا پریمیئر لیگ کے 15 ویں میچ میں جافنا کنگز کو 8 رنز سے شکست دے دی۔ پہلے بیٹنگ کرتے ہوئے کینڈی نے مقررہ 20 اوورز میں 8 وکٹوں کے نقصان پر 178 رنز بنائے جس میں محمد حارث نے 81 رنز کی اننگز کھیلی۔

بعد ازاں جافنا کی ٹیم 6 وکٹوں کے نقصان پر 170 رنز ہی بناسکی اور اینجلو میتھیوز نے 3 وکٹیں حاصل کیں۔ کئی شاندار اننگز کھیلی گئیں اور بہت سے دل دہلا دینے والے آؤٹ بھی ہوئے لیکن ایک چیز جس نے پوری توجہ اپنی جانب مبذول کروائی وہ میچ کے دوران سانپ کی دراندازی تھی۔

سوشل میڈیا پر وائرل ہونے والی ایک ویڈیو میں جافنا کے تعاقب کے دوران ایک سانپ کو میدان میں گھستے ہوئے دیکھا جا سکتا ہے۔

سانپ آہستہ آہستہ آگے بڑھ رہا تھا جب کینڈی کے تیز گیند باز اسورو اڈانا نے اسے دیکھا اور خوف زدہ ہو گیا۔ اس کے بعد تیز گیند باز کو تیزی سے اس جگہ سے دور ہوتے اور میچ پر توجہ مرکوز کرتے ہوئے دیکھا گیا۔

تاہم یہ پہلا موقع نہیں تھا کہ سانپ نے میچ کی کارروائی میں خلل ڈالا ہو۔ اس سے قبل جولائی میں گال ٹائٹنز اور دمبولا اورا کے درمیان ایل پی ایل 2023 کا میچ سانپ کے پچ پر حملہ کرنے کی وجہ سے روک دیا گیا تھا۔ یہ واقعہ دمبولا کے 181 رنز کے تعاقب کے پانچویں اوور کے دوران پیش آیا۔

منتظمین نے کچھ دیر کے لیے میچ کو روکا اور پھر سانپ کو میدان سے باہر لے گئے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں