اسلام آباد ہائی کورٹ نے فریقین کو نوٹس جاری کرتے ہوئے سماعت آئندہ ہفتے تک ملتوی کردی۔

اسلام آباد ہائیکورٹ میں ایل این جی ریفرنس ایف آئی اے کی عدالت کو منتقلی کے فیصلے کے خلاف اپیل دائرکی گئی جس پرشاہد خاقان عباسی کے تین شریک ملزمان کی درخواست پر نیب کو نوٹس جاری کیا گیا۔

ایل این جی ریفرنس کا ٹرائل ایف آئی اے عدالت میں فوری روکنے کی استدعا مسترد کرتے ہوئے اسلام آباد ہائی کورٹ نے کہا کہ پہلے فریقین کو سنیں گے پھر آرڈر کریں گے۔

چیف جسٹس عامر فاروق اورجسٹس طارق محمود جہانگیری نے کیس کی سماعت کی، شریک ملزمان شیخ عمران الحق، عبدالصمد داؤد اور حسین داود کی درخواست پر سماعت کی گئی۔

وکیل احمر بلال صوفی نے دلائل دیے کہ میرے تین مؤکل اس کیس میں بے گناہ ہیں کوئی الزام ثابت نہیں ہوا، احتساب عدالت نے تین سال سے زائد عرصہ تک کیس زیر التواء رکھا، تین سال میں گیارہ گواہوں کے بیانات قلمبند کیے گئے۔

وکیل ملزمان نے کہا کہ تین سال بعد کیس احتساب عدالت سے اسپیشل جج سینٹرل کو بھیج دیا گیا۔

چیف جسٹس عامرفاروق نے کہا کہ  ہائی کورٹ نہیں بلکہ آپ بریت کی درخواست اسپیشل جج سینٹرل کو دیں، اگر وہاں سے کوئی شنوائی نہیں ہوتی تو پھر یہاں درخواست دیں۔

وکیل ملزمان نے کہا کہ میرے مؤکل پہلے ہی تین سال سے عدالت کا چکر لگا رہے ہیں، مقدمہ سے ڈسچارج کیا جائے، استدعا ہے کہ  کیس یہاں زیر سماعت رہنے تک اسپیشل جج سینٹرل کی عدالت میں جاری کارروائی روکی جائے جس پرعدالت نے کہا کہ کارروائی نہیں روک رہے، پہلے فریقین کو نوٹس کرکے بلا لیتے ہیں۔

اسلام آباد ہائی کورٹ نے فریقین کو نوٹس جاری کرتے ہوئے سماعت آئندہ ہفتے تک ملتوی کردی۔ ایل این جی کیس میں شاہد خاقان عباسی، مفتاح اسماعیل سمیت پندرہ ملزمان نامزد ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔