بھارت کے اپوزیشن رہنما راہول گاندھی نے پارلیمنٹ میں اپنی تقریر کے کچھ حصے حذف کرنے پر کہا کہ ’بھارت ماتا‘ غیر پارلیمانی لفظ ہے۔ 

بھارتی میڈیا کے مطابق راہول گاندھی آج پارلیمنٹ سے باہر جاتے ہوئے نامہ نگاروں سے بات کر رہے تھے۔ انہوں نے اس سوال کا جواب نہیں دیا کہ آیا وہ اپنی حکومت کے خلاف لائی گئی عدم اعتماد کی تحریک پر وزیر اعظم نریندر مودی کے جواب کو چھوڑ دیں گے۔ انہوں نے کہا، ‘بظاہر بھارت ماتا اب ہندوستان میں ایک غیر پارلیمانی لفظ ہے۔

کانگریس لیڈر راہل گاندھی نے اپنی تقریر کے کچھ حصوں کو ہٹائے جانے کے بارے میں پوچھے گئے سوالوں کا جواب دیتے ہوئے آج کہا کہ بھارت ماتا اب ہندوستان میں ایک غیر پارلیمانی لفظ بن گیا ہے۔

واضح رہے کہ گزشتہ روز بھارتی پارلیمنٹ سے خطاب کرتے ہوئے راہول گاندھی نے کل لوک سبھا میں نریندر مودی حکومت پر شدید حملہ کیا تھا۔

منی پور کا دورہ نہ کرنے کے لئے وزیر اعظم کو نشانہ بناتے ہوئے راہول گاندھی نے کہا کہ وزیر اعظم منی پور نہیں گئے ہیں کیونکہ وہ اسے بھارت کا حصہ نہیں سمجھتے ہیں، انبہوں نے کہا کہ بی جے پی نے منی پور کو تقسیم کیا ہے۔

راہول گاندھی نے الزام لگایا کہ مرکز منی پور میں فوج کو بلا کر تشدد کو روکا جاسکتا تھا لیکن ابھی تک کوئی کارروائی نہیں کی گئی ہے۔

راہول گاندھی نے نریندر مودی کو مخاطب کرتے ہوئے کہا کہ آپ غدار ہیں، یہی وجہ ہے کہ وزیر اعظم منی پور کا دورہ نہیں کرتے ہیں اور آپ بھارت ماتا کے محافظ نہیں ہیں۔

راہول گاندھی نے ہندوؤں کی مذہبی کتاب کا حوالہ دیتے ہوئے کہ راون کو رام نے نہیں بلکہ اس کے تکبر نے مارا تھا۔

منی پور اور ہریانہ میں حالیہ فرقہ ورانہ فسادات کا حوالہ دیتے ہوئے راہول گاندھی نے کہا کہ تم نے ہر جگہ مٹی کا تیل چھڑک دیا ہے۔ تم نے منی پور میں آگ لگا دی ہے۔ آپ اب ہریانہ میں بھی یہی کوشش کر رہے ہیں.

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں