رانا ثناءاللہ نے کہا ہے کہ نواز شریف واپس آکر حفاظتی ضمانت لیں گے اور کیسز کا سامنا کریں گے۔

تفصیلات کے مطابق سابق وزیر داخلہ اور رہنما مسلم لیگ (ن) رانا ثناءاللہ نے سماجی رابطے کی ویب سائٹ ٹویٹر پر اپنے ایک پیغام میں کہا کہ آج الیکشن کمیشنر سے ملاقات ہوئی جس میں ای سی پی کو انتخابات کرانے کیلئے پرعزم پایا ہے۔

آج الیکشن کمیشنر سے ملاقات ہوئی، جس میں ECP کو انتخابات کرانے کیلئے پرعزم پایا ہے، الیکشن مئی میں ہوں گے یہ درست بات نہیں، الیکشن کمشنر کو آج ملاقات میں آگاہ کیا وہ اس بارے وضاحت جاری کریں گے۔ حلقہ بندیاں قانونی اور آئینی ضرورت ہے، ووٹرز کا بنیادی حق ہے۔

— Rana Sana Ullah Khan (@RanaSanaullahPK) August 25, 2023

 رہنما مسلم لیگ (ن) کا کہنا ہے کہ الیکشن مئی میں ہوں گے یہ درست بات نہیں، الیکشن کمشنر کو آج ملاقات میں آگاہ کیا وہ اس بارے وضاحت جاری کریں گے۔

سابق وزیر داخلہ کا یہ بھی کہنا ہے کہ حلقہ بندیاں قانونی اور آئینی ضرورت ہے جبکہ ووٹرز کا بنیادی حق ہے۔

انہوں نے کہا کہ قائد نواز شریف کی واپسی سے متعلق آج سے پہلے کوئی فیصلہ نہیں ہوا، پارٹی صدر جناب شہباز شریف نے آج اعلان کیا ہےکہ وہ اکتوبر میں واپس آئیں گے۔

سابق وزیر داخلہ اور رہنما مسلم لیگ (ن) رانا ثناءاللہ نے مزید کہا کہ واپسی پر حفاظتی ضمانت لیں گے اور کیسز کا سامنا کریں گے، کیسز کی نوعیت کو دیکھا جائے تو بلاشبہ وہ بری ہوں گے۔

Advertisement

قائد نوازشریف کی واپسی سے متعلق آج سے پہلے کوئی فیصلہ نہیں ہوا، پارٹی صدر جناب شہباز شریف نے آج اعلان کیا ہے، وہ اکتوبر میں واپس آئیں گے، واپسی پر حفاظتی ضمانت لیں گے اور کیسز کا سامنا کریں گے۔ کیسز کی نوعیت کو دیکھا جائے تو بلاشبہ وہ بری ہوں گے۔

— Rana Sana Ullah Khan (@RanaSanaullahPK) August 25, 2023