وزیراعلٰی سندھ نے کہا ہے کہ نگراں وزیراعلیٰ کی مشاورت کیلئے3 دن ہیں، امید ہے نگراں وزیراعلیٰ کے نام پر اتفاق ہوجائےگا۔ 

وزیراعلٰی سندھ سید مراد علی شاہ نے کراچی میں نیوز کانفرنس کرتے ہوئے کہا کہ پی ٹی آئی کی کوشش تھی یہ صوبہ نہ چلے، پچھلے15 ماہ میں وفاق کےساتھ تعلقات میں بہتری آئی۔

وزیراعلٰی سندھ نے کہا کہ سیلاب کے باعث سڑکیں بلاک ہوگئیں،امداد نہیں پہنچا سکتےتھے، سندھ میں ہمارے لیے مشکلات کھڑی کی گئیں، سندھ حکومت کے5 سال مشکل ترین تھے۔

مراد علی شاہ نے کہا کہ چیئرمین پی ٹی آئی وزیراعظم بننے کےبعد پہلی بار کراچی آئے، وزیراعلیٰ کو اطلاع ہی نہیں دی جاتی کہ وزیراعظم آ رہے ہیں۔

وزیراعلٰی سندھ نے کہا کہ نگراں وزیراعلیٰ کی مشاورت کیلئے3 دن ہیں، 4سال11ماہ بعد اسمبلی تحلیل ہو گئی۔ امید ہے نگراں وزیراعلیٰ کے نام پر اتفاق ہوجائےگا۔

انھوں نے کہا کہ الیکشن سے پہلے ایسا ماحول بنا دیا جاتا ہے کہ صوبائی حکومت نہ چلے۔ پچھلی حکومت نے کوشش کی کہ صوبائی حکومت نہ چلے۔ مشکل حالات میں بھی ہم نے اچھا وقت نکالا۔

مراد علی شاہ نے کہا کہ سیلاب کے دوران ایک وقت ایسا بھی آگیا تھا کہ میں ہمت ہار گیا تھا۔ کئی جگہوں کا زمینی رابطہ منقطع ہو گیا تھا۔ بدترین سیلاب نے شدید متاثرکیا۔ اس مشکل وقت میں ہم نے سیلاب متاثرین کی ہرممکن مدد کی۔ کورونا کے دوران ڈاکٹرز کی ہدایات ہر اقدام کیے۔

انھوں نے مذید کہا کہ وزیراعظم شہبازشریف نے سیلاب متاثرہ علاقوں کا کئی باردورہ کیا۔ تباہ شدہ علاقوں کی بحالی کے لیے ورلڈ بنک سے 1.7 ارب ڈالرملے۔ تعلیمی اداروں اور اسپتالوں کو دوبارہ بحال کیا۔ گندم کے بحران پرقابو پانے کے لیے بہترین حکمت عملی اپنائی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔