بلڈ پریشرکو خاموش قاتل کہاجاتا ہے اور یہی کئی موذی امراض کی بنیادی وجہ بھی ہے، اس کی وجہ یہ ہے کہ مریض اس کی کوئی واضح علامات محسوس نہیں کرتا اور یوں وہ تمام کام اورغذا کو معمولات زندگی میں جاری رکھتا ہے جو اس کے بڑھنے کے اصل محرکات ہوتے ہیں۔

یہ بات سب ہی جانتے ہیں  کہ صحت مند رہنے کے لیے متوازن غذا نہایت ضروری ہے تاہم اگر غذا میں سبزیوں اور پھلوں کا تناسب زیادہ ہوتو یہ آپ کے لیے اور بھی مفید ثابت ہوتی ہیں۔

بلڈ پریشر جب بڑھ جاتا ہے تو یہ کئی ضمنی اثرات کا باعث بن سکتا ہے تاہم کچھ غذائیں بلڈ پرییشر کو قدرتی طور پر توازن میں رکھنے میں مددگار ثابت ہوسکتی ہیں وہ کون سی ہیں جانتے ہیں۔

سبز پتوں والی سبزیاں

ماہرین کا کہنا ہے کہ پالک، کیل اور لیٹس جیسی سبز سبزیوں میں کیلشیم، پوٹاشیم، میگنیشیم اور اینٹی آکسیڈنٹس زیادہ مقدار میں موجود ہوتے ہیں۔ پوٹاشیم گردوں کو اضافی سوڈیم سے نجات دلانے میں مدد کرتا ہے۔

کیلا

کیلا ایک نہایت صحت بخش پھل ہے جو پوٹاشیم سے بھرپور ہوتا ہے اور بلڈ پریشر کو کنٹرول کرنے میں مدد  فراہم کرتا ہے۔لہذا، ایسے افراد جو بلڈ پریشر بڑھنے کا سامنا کرتے ہیں انہیں چاہئے کہ وہ اپنی خوراک میں کیلا ضرور شامل کریں۔

چقندر

 چقندر میں نائٹرک آکسائیڈ زیادہ پایا جاتا ہے جو خون کی نالیوں کو پھیلانے اور بہاؤ کو بہتر بنانے میں مدد دیتا ہے اس طرح بلڈ پریشر توازن میں رہتا ہے۔

لہسن

لہسن اینٹی بائیوٹک اور اینٹی فنگس خصوصیات سے مالامال ہے اور نائٹرک آکسائیڈ کو بھی بڑھاتا ہے۔ اس کے علاوہ، یہ پٹھوں کو آرام دیتا ہے اور خون کی نالیوں کو پھیلاتا ہے اس طرح یہ بلڈ پریشر کو کم کرنے میں مدد کرتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں