شاہد خان آفریدی ایک باصلاحیت اور مشہور پاکستانی کرکٹر ہیں۔ وہ دائیں ہاتھ کے پاکستانی لیگ اسپنر اور بلے باز رہ چکے ہیں۔ انہیں ایک انتہائی باصلاحیت آل راؤنڈر کے طورجانا جاتا ہے ساتھ ہی وہ اپنی ہارڈ ہٹنگ کے لیے بھی مشہور ہیں۔

 شاہد آفریدی ہمیشہ سے ہی کرکٹ کے شائقین کی دلوں کی دھڑکن رہے ہیں اور یہی وجہ ہے کہ دنیا بھر میں ان کے لاکھوں مداح ہیں۔

شاہد آفریدی نے اپنے پروفیشنل کیریئر کے آغاز کے ساتھ کم عمری میں ہی شادی کر لی تھی ان کی شادی کو اب بیس سال سے زیادہ ہو چکے ہیں اور ان کی پانچ پیاری بیٹیاں ہیں۔ جبکہ ان کی دو بیٹیاں اقصیٰ اور انشا شادی کے بندھن میں بندھ چکی ہیں۔

شاہد آفریدی کو حال ہی میں مومن ثاقب کے شو حد کردی میں بطور مہمان مدعو کیا گیا جہاں انہوں نے کم عمری میں شادی کرنے کے حوالے سے بات کی۔

شاہد آفریدی نے یہ بھی انکشاف کیا کہ انہوں نے کم عمری میں شادی کا انتخاب کیوں کیا۔ جب میزبان کی جانب سے اسکرین پر ان کی شادی کی تصویر دکھائی گئی تو انہوں نے شادی کی تصویر دیکھنے کے بعد مزاحیہ انداز میں  کہا کہ یہاں پرجو زندگی ہے وہ  ٹھہر گئی۔ انہوں نے کہا دراصل، اچھی تبدیلی ہمیشہ آپ کی زندگی میں مثبت تبدیلی لاتی ہے، وقت کے ساتھ ساتھ زندگی تبدیل ہوتی اور ہونی بھی چاہئے میں یہ چاہتا تھا کہ جلد شادی ہو تاکہ زندگی میں ڈسپلین آئے۔

میں نے والدین سے کہا کہ آپ میرے لیے لڑکی تلاش کریں کیونکہ والدین ڈگریوں سے بڑے نہیں ہوتے بلکہ وہ اپنے تجربات سے بڑے ہوتے ہیں اس لیے بڑے جو فیصلے کرتے ہیں وہ ٹھیک ہوتے ہیں۔ میں نے اپنے والدین کی پسند کی لڑکی سے شادی کی۔  ہمیں لگتا ہے کہ ہم بہت تجربہ کار ہیں اور ہمارے فیصلے ہمارے لیے بہترین ہوں گے لیکن ایسا نہیں ہے، ہمارے بزرگ زیادہ تجربہ کار ہیں اور ان کے فیصلے بہترین ثابت ہوتے ہیں، میں نے سوچا کہ اگر یہ شادی کامیاب نہیں ہوئی تو دوسری کر لوں گا لیکن الحمدللہ میں خوش قسمت ہوں کہ مجھے ایک اچھا جیون ساتھی ملا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں