عطاتارڑ نے کہا ہے کہ چیئرمین پی ٹی آئی کے نومئی کے واقعات میں ملوث ہونے کے ثبوت ہیں، حملے منصوبہ بندی کےتحت کیے گئے۔

وزیراعظم کے معاون خصوصی عطا تارڑ نے پریس کانفرنس کرتے ہوئے صمصام بخاری کی مبینہ آڈیو سنادی۔ مبینہ آڈیو میں صمصام نے کہا کہ کورکمیٹی میں فیصلہ ہوا ہے کہ احتجاج فوج کے خلاف ہوگا۔ شفقت محمود نے روکا کہ کورکمانڈرہاؤس نہیں جانا ہم کیوں فوج کو نقصان پہنچائیں۔

عطاتارڑ نے کہا کہ مبینہ آڈیو سے ثابت ہوتا ہے کہ نو مئی کے واقعات چیئرمین پی ٹی آئی کے ایما پر ہوئے۔ سابق بھارتی فوجی نے بھی اقرار کیا کہ گرفتاری سے بھارت کو نقصان ہوا۔ بھارت دکھی ہے کہ چیئرمین پی ٹی آئی کے بیانات سے ہمیں فائدہ تھا۔ ثابت ہوگیا کہ نو مئی سوچا سمجھا منصوبہ تھا۔

معاون خصوصی وزیراعظم نے پریس کانفرنس میں کہا کہ چیئرمین پی ٹی آئی کے نو مئی کے واقعات میں ملوث ہونے کے ثبوت ہیں، یہ سازش فوج کے خلاف نہیں پورے ملک کے خلاف تھی۔ صمصام بخاری کی آڈیو میں پورا منصوبہ بے نقاب ہو گیا۔

عطاتارڑ نے کہا کہ چیئرمین پی ٹی آئی کی گرفتاری پر پورے ملک میں صرف 7 لوگ نکلے اورنہ ہی کسی نے احتجاج کیا، چیئرمین پی ٹی آئی جیل میں بہترسہولیات مانگ رہے ہیں۔ انھوں نے نفرت کا بیج بویا۔ پارٹی اجلاس میں حساس تنصیبات پرحملوں کی ہدایات کی گئیں۔

انھوں نے کہا کہ چیئرمین پی ٹی آئی نے سیاسی مخالفین کو نشانہ بنایا، پاکستان کی ساکھ کو نقصان پہنچانے کے لیے نومئی کوتوڑ پھوڑ کی گئی، چیئرمین پی ٹی آئی چور ثابت ہوئے۔ مہرلگ گئی کہ آپ صادق و امین نہیں ہیں، گھڑیاں چرائیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔