قمرزمان کائرہ نے کہا کہ پاکستان مسئلہ کشمیرکودنیامیں اجاگرکرتارہےگا، نوجوان نسل کو کشمیر کے مقدمے سےروشناس کرانے کی ضرورت ہے۔

اسلام آباد میں یومِ استحصال کشمیر پر ریلی سے خطاب کرتے ہوئے وزیراعظم کے مشیرکشمیرامور قمر زمان کائرہ نے کہا کہ بھارت نے کشمیری عوام کا عزم و ہمت توڑنے کے لئے ہر ہتھکنڈا استعمال کیا،  بھارت جعلی قانون سازی اور جعلی حلقہ بندیوں کا سہارا نہیں لے سکتا۔

قمر زمان کائرہ نے کہا کہ ایسی جدوجہد جس میں ہر طبقے کا لہو شامل ہو کبھی ناکام نہیں ہوتیں،  کشمیریوں کی مدد پاکستان کا فرض ہے، حق خود ارادیت کا وعدہ خود ہندوستان کے وزیراعظم نے کیا تھا۔

وزیراعظم کے مشیربرائے کشمیر امور نے کہا کہ اقوام عالم کو یوکرین میں انسانی حقوق اور جنگی جرائم نظرآتے ہیں، کیا اقوام عالم کو کشمیری عوام سے کیا ہوا وعدہ یاد نہیں؟ جب تک حق خود ارادیت کا وعدہ پورا نہیں ہوتا کشمیریوں کا عزم ٹوٹے گا نہ ہماری حمایت میں کمی آئے گی۔

قمر زمان کائرہ نے کہا کہ پاکستان کا ایک ایک بچہ، مرد و زن کشمیری عوام کے ساتھ ہے، وزیرخارجہ بلاول بھٹو زرداری نے ہندوستان کی سرزمین پرکشمیر کی بات کی، ایسے دنوں پراکٹھے ہو کر کشمیری عوام کو پیغام دینا ہے۔

انھوں نے ریلی سے خطاب میں کہا کہ مقبوضہ کشمیر کےمعاملے پر کوئی سمجھوتہ نہیں ہوسکتا، مسئلہ کشمیر کےحل تک بھارت سےتعلقات بحال نہیں ہوسکتے، بھارت کے عالمی تعلقات مفادات پر مبنی ہیں۔

قمرزمان کائرہ نے مذید کہا کہ پاکستان مسئلہ کشمیرکودنیامیں اجاگرکرتارہےگا، نوجوان نسل کو کشمیر کے مقدمے سےروشناس کرانے کی ضرورت ہے، اپنے پاؤں پر کھڑے ہونگے توہی کشمیر کامقدمہ لڑسکیں گے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔