کینیڈا میں برٹش کولمبیا کے جنگلات میں لگنے والی خوفناک آگ پر قابو پانے کے لیے فوج طلب کرنے کا فیصلہ کر لیا گیا ہے۔

غیر ملکی میڈیا کی خبروں کے مطابق وزیر اعظم جسٹن ٹروڈو نے کہا ہے کہ برٹش کولمبیا میں ہنگامی حالت کے اعلان کے بعد آگ سے متاثرہ علاقے میں فوج بھیجی جائے گی۔

کینیڈا کے وزیر اعظم جسٹن ٹروڈو نے کہا ہے کہ برٹش کولمبیا میں تیزی سے پھیلنے والے جنگلات میں لگنے والی آگ سے نمٹنے کے لیے فوج تعینات کریں گے۔

انہوں نے مزید کہا کہ  مغربی صوبے میں آگ لگنے کے تقریبا 400 واقعات کا سامنا ہے جس کے نتیجے میں 35 ہزار سے زائد افراد کو انخلا کے احکامات جاری کیے گئے ہیں۔

برٹش کولمبیا نے جمعے کے روز ہنگامی حالت کا اعلان کرتے ہوئے غیر ضروری سفر پر پابندی عائد کر دی ہے تاکہ نقل مکانی کرنے والوں اور فائر فائٹرز کے لیے رہائش گاہیں خالی کی جا سکیں۔

مقامی انتظامیہ نے ڈرون آپریٹرز اور آگ کی تصاویر لینے والے دیگر افراد پر زور دیا گیا ہے کہ وہ امدادی کارکنوں سے دور رہیں۔

واضح رہے کہ کینیڈا کے شمال مغربی علاقوں میں جنگلات میں لگنے والی آگ کے بدترین سیزن میں 200 سے زائد افراد جل کر خاکستر ہو گئے ہیں۔

ریئل ٹائم ایئر کوالٹی انفارمیشن پلیٹ فارم آئی کیو ایئر کے مطابق برٹش کولمبیا کے کچھ شہروں میں ایئر کوالٹی انڈیکس (اے کیو آئی)، جو آگ سے پیدا ہونے والے ذرات سمیت بڑے آلودگیوں کی پیمائش کرتا ہے، 350 سے اوپر تھا، جو ایک خطرناک سطح ہے۔

ویسٹ کیلونا کے فائر چیف جیسن برولنڈ کا کہنا ہے کہ گزشتہ چار روز سے آگ پر قابو پانے کے بعد انہیں کچھ امید نظر آ رہی ہے۔

فائر چیف جیسن برولنڈ کے مطابق حالات میں بہتری آئی ہے جس سے فائر فائٹرز کو زمین پر جوتے لگانے اور آگ کے شعلوں پر پانی پھینکنے میں مدد ملی ہے جس سے ڈیڑھ لاکھ کی آبادی والے شہر کو خطرہ لاحق ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں