پی سی بی ریجنزکرکٹ صدورنے ذکا اشرف سے ملاقات میں نئے ڈومیسٹک فریم ورک سے متعلق کھل کر اپنے خیالات کا اظہار کیا۔

تفصیلات کے مطابق پی سی بی ریجنزکرکٹ صدورنے ذکا اشرف سے ملاقات کے دوران ڈومیسٹک کرکٹ ڈھانچے پر بریفنگ اورریجنزنے پاکستان کرکٹ بورڈ پر مکمل اظہاراعتماد کیا۔

پاکستان کرکٹ بورڈ کے مطابق ملاقات میں تمام شرکا نے نئے ڈومیسٹک فریم ورک سے متعلق کھل کر اپنے خیالات کا اظہار کیا۔ ڈومیسٹک فریم ورک میں کرکٹ ٹیلنٹ کی گراس روٹ لیول پر پرورش، ابھارنے اوراسے بلند کرنے پر توجہ دی گئی۔

پی سی بی کے مطابق ٹیکنیکل کرکٹ کمیٹی کے سربراہ مصباح الحق اور رکن محمد حفیظ نے بھی ریجنز کے صدور کو تفصیلی بریفنگ دی اورڈومیسٹک کرکٹ آپریشنز کے قائم مقام ڈائریکٹر جنید ضیا نے بھی نئے ڈومیسٹک کرکٹ کے ڈھانچے سے متعلق تفصیل سے آگاہ کیا۔

ذکا اشرف نے کہا کہ پاکستان کرکٹ کا دل اور روح ریجنز سے وابستہ ہے، ریجنز ڈومیسٹک کرکٹ میں ہمارے نوجوان ٹیلنٹ اور ان کی مہارت کو ابھارنے میں اہم کردار ادا کرتے ہیں۔ کچھ عرصے کے لیے ہمارے ریجنل سیٹ اپ میں کام کرنے کے سلسلے میں خلا آیا۔

انھوں نے کہا کہ لیکن اب انہیں خوشی ہے کہ یہ ریجنز دوبارہ متحرک ہوئے ہیں اور یہ ہماری کرکٹ کے لیے ایک اہم قدم ہے۔

پی سی بی کے مطابق ملاقات کے لیے تمام ریجنز کو دعوت نامے ارسال کیے گئے تھے تاہم چند ریجنل صدور اس ملاقات میں شریک نہ ہوسکے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔