ہندوستان میں ہونے والے ورلڈکپ کے دوران گرین شرٹس سے ٹاکرا بھارتی کھلاڑیوں کے اعصاب پر سوار ہونے لگا۔

بھارتی کرکٹر شیکھر دھون کے بعد سابق بھارتی اسپنر انیل کمبلے نے بھی پاکستان کے خلاف میچ کے حوالے سے اہم انکشاف کردیا۔

ایک تقریب کے دوران بات کرتے ہوئے سابق بھارتی اسپنر انیل کمبلے نے ورلڈکپ کی یادوں کو تازہ کرتے ہوئے کہا کہ پاک بھارت میچ کا کھلاڑیوں پر بہت دباؤ ہوتا تھا، ہمارے زمانے میں یہ اصطلاح عام تھی کہ ‘کینیا سے ہار جاو لیکن پاکستان سے نہیں ہارنا’۔

اس سے قبل بھارت کے اوپننگ بلے بازشیکھر دھون نے کہا تھا کہ بھارتی ٹیم میں ہمیشہ ہی یہ سوچ پائی جاتی ہے کہ چاہے آپ ورلڈکپ جیتیں یا ہاریں پاکستان سے میچ نہیں ہارنا چاہیے، ورلڈ کپ بھی کافی اہم ہے۔ امید ہے کہ ہم اس بار بھی ہوم گراؤنڈز پر ٹرافی حاصل کرنے میں کامیاب ہوجائیں گے۔

انہوں نے کہا کہ پاکستان سے میچ کے اختتام پر کھلاڑی پْرسکون ہوجاتے ہیں کیونکہ پڑوسی ملک کے ساتھ کھیلنے کا دباؤہمیشہ ہی رہنا ہے، جب بھی میں گرین شرٹس کے خلاف کھیلا ہمیں زیادہ مرتبہ کامیابی ہی ملی۔

واضح رہے کہ آئی سی سی نے ورلڈ کپ 2023 کا تبدیل شدہ شیڈول جاری کردیا۔ جس کے مطابق احمد آباد میں ہونے والا پاک بھارت مقابلہ 15 اکتوبر کے  بجائے 14 اکتوبر کو ہوگا جب کہ حیدر آباد میں پاکستان اور سری لنکا کا میچ 12 اکتوبر کے  بجائے 10اکتوبر کو ہوگا اور کولکتہ میں پاکستان اور انگلینڈ کا مقابلہ 12 نومبر کے  بجائے 11 نومبر کو ہوگا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں