بھارتی اپوزیشن لیڈر راہول گاندھی نے وزیر اعظم نریندر مودی پر منی پور میں تشدد سے متاثرہ ریاست میں ‘مدر انڈیا کا قتل’ کرنے کا الزام عائد کیا ہے۔

برطانوی خبر رساں اداے کے مطابق بھارتی اپوزیشن رہنما راہول گاندھی نے پارلیمنٹ میں کہا کہ نریندر مودی نے منی پور میں بھارت کو قتل کیا۔ ان کی سیاست نے منی پور میں بھارت کو مار ڈالا۔

بھارتی پارلیمنٹ میں راہول گاندھی کے خطاب کے دوران حکمراں بھارتیہ جنتا پارٹی کے اراکین نے شوروغل کیا۔

راہول گاندھی عدم اعتماد کی تحریک پر بحث کے دوران بول رہے تھے جو اپوزیشن نے مودی حکومت کے خلاف لائی ہے۔

بحث ختم ہونے کے بعد جمعرات کو تحریک پر ووٹنگ متوقع ہے۔

برطانوی خبر رساں ادارے کا کہنا ہے کہ نریندر مودی کی حکومت ووٹ نہیں کھوئے گی کیونکہ ان کی بھارتیہ جنتا پارٹی (بی جے پی) اور اس کے اتحادیوں کو پارلیمنٹ میں اکثریت حاصل ہے۔

لیکن حزب اختلاف کے رہنماؤں کا کہنا ہے کہ یہ بحث نریندر مودی کو ریاست منی پور میں جاری نسلی جھڑپوں پر بولنے پر مجبور کرے گی۔

منی پور میں مئی کے اوائل سے لے کر اب تک 150 سے زیادہ افراد ہلاک اور ہزاروں بے گھر ہو چکے ہیں، جب اکثریتی میتی گروپ اور قبائلی کوکی اقلیت کے درمیان نسلی جھڑپیں شروع ہوئی تھیں۔

واضح رہے کہ یہ نسلی جھڑپیں اس وقت شروع ہوئی تھیں جب ایک ویڈیو جس میں دو خواتین کو بھیڑ نے برہنہ کیا تھا، اس واقعہ  پرعالمی سطح پر شدید غم و غصے کا اظہار کیا گیا تھا۔

ایوان میں اظہار خیال کرتے ہوئے راہول گاندھی نے کہا کہ نریندر مودی کے لئے منی پور اہم نہیں ہے۔ ہمارے وزیر اعظم ریاست میں نہیں گئے کیونکہ ان کے لئے منی پور بھارت کا حصہ نہیں ہے۔

کانگریس پارٹی کے رہنما نے مزید کہا انہوں نے منی پور میں بھارت کا قتل کیا۔ ان کی سیاست نے نہ صرف منی پور کو ہلاک کیا ہے بلکہ منی پور میں بھارت کو بھی مار دیا ہے۔ انہوں نے منی پور میں بھارت کا قتل کیا ہے۔

راہول گاندھی کے اس بیان پر بی جے پی رہنماؤں نے شدید احتجاج کیا اور ان پر بھارت کے نام کو معمولی بنانے کا الزام عائد کیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں