معروف بھارتی اداکارہ شویتا تیواری کی بیٹی پلک تیواری اور بالی وڈ کے معروف اداکار سیف علی خان کے بیٹے ابراہیم خان کو ایک ساتھ عالیہ کشیپ کی منگنی کی تقریب میں دیکھا گیا۔

معروف فلمساز انوراگ کشیپ کی بیٹی عالیہ کشیپ اور ان کے بوائے فرینڈ شین گریگوئیر نے 3 اگست کو ممبئی میں اپنی منگنی کی۔

عالیہ کشیپ کی منگنی کی تقریب بالی وڈ ستاروں کی وجہ سے شہر کا چرچا بنی۔

ان کی منگنی میں بالی وڈ کی مشہور شخصیات جیسے سوہانا خان، کالکی کوچلن، اور خوشی کپور نے شرکت کی تھی۔

سوشل میڈیا پر وائرل ہونے والی تصاویر میں دیکھا جا سکتا ہے کہ اداکارہ نے منگنی کی تقریب میں ساڑھی زیب تن کی جبکہ اداکارہ سیاہ سوٹ میں نظر آئے۔

گزشتہ وقت سے یہ ہی خبریں چل رہی ہیں ابراہیم اور پلک ڈیٹ کر رہے اور اب اس تقریب میں ایک ساتھ دونوں کی شرکت نے مزید لوگوں کو اس بات پر یقین کرنے کے لیے آمادہ کر دیا ہے۔

تاہم اس حوالے سے اداکارہ پلک نے کہا تھا کہ ابراہیم علی خان صرف ان کے دوست ہیں۔

یہ خبریں رواں سال کے آغاز پر جنوری میں سامنے آئیں جب ابراہیم کے ہمراہ پلک تیواری کو ممبئی کے پوش علاقے ‘باندرا’ میں گاڑی میں دیکھا گیا۔

فوٹو گرافرز کے دیکھتے ہی پلک نے اپنا چہرہ چھپا لیا لیکن اس وقت تک فوٹو گرافرز کیمرے میں یہ مناظر محفوظ کرچکے تھے۔

پلک کے اس انداز نے افواہوں کو ہوا دی اور بھارتی میڈیا اور سوشل میڈیا پر خبریں آئیں کہ یہ دونوں گہرے تعلق میں ہیں تاہم اب پلک تیواری نے چہرہ ڈھانپنے کی وجہ پر کھل کر بات کی ہے۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Viral Bhayani (@viralbhayani)

پلک تیواری نے کہا کہ ‘در اصل میری والدہ شویتا تیواری مجھے وائرل تصاویر سے ٹریک کرتی ہیں، وہ چہرہ میں نے اسی لیے چھپایا تھا کہ کہیں والدہ نہ دیکھ لیں کیونکہ انہیں نہیں پتا تھا کہ میں اپنے دوست کے ساتھ باہر ہوں’۔

پلک نے کہا کہ ‘جب والدہ کا فون آیا تو میں نے یہ کہا کہ میں ٹریفک میں پھنسی ہوں لیکن جیسے ہی تصاویر لیک ہوئیں والدہ نے دیکھ لیا اور فون کرکے مجھے ڈانٹا’۔

جبکہ ابراہیم سے دوستی سے متعلق پلک کا کہنا تھا کہ ہم صرف دوست ہیں اور مزید کچھ نہیں۔

واضح رہے کہ مشہور بھارتی اداکارہ شویتا تیواری کی بیٹی پلک تیواری نے حال ہی میں بالی وُڈ میں قدم رکھا ہے اور انہیں اکثر سیف علی خان کے بیٹے ابراہیم علی خان کے ساتھ سیر سپاٹے کرتے دیکھا جا چکا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں