ڈی آئی جی آپریشنزنے کہا ہے کہ جشن آزادی کے موقع پر کسی قسم کی ہلڑ بازی کو برداشت نہیں کیا جائے گا۔

تفصیلات کے مطابق 14اگست جشن آزادی کے موقع پر لاہورپولیس نے سیکیورٹی پلان تیارکرلیا ہے۔

 ڈی آئی جی آپریشنزکا کہنا ہے کہ جشن آزادی کے موقع پر کسی قسم کی ہلڑ بازی کو برداشت نہیں کیا جائیگا، امن و امان کے لئے 13ہزار سے زائد افسران و جوان تعینات ہونگے.

پولیس کے جاری بیان میں سید علی ناصر رضوی نے کہا کہ قانون کی خلاف ورزی کی صورت میں فوری کارروائی عمل میں لائی جائے گی، ون ویلرز اور ہلڑ بازوں کے ساتھ آہنی ہاتھوں سے نمٹا جائیگا۔

ڈی آئی جی آپریشنزنے کہا کہ مکینکس کوموٹر سائیکل کی غلط طریقے سے آلٹریشن کرنے سے روکا گیا ہے، ہوائی فائرنگ،اسلحہ کی نمائش پر زیرو ٹالرنس پالیسی ہے، ایس ایچ اوززیادہ سے زیادہ شورٹی بانڈز لیں تاکہ قانون کی پاسداری کروائی جاسکے۔

سید علی ناصررضوی نے کہا کہ ہلڑبازی، ون ویلنگ کی روک تھام کیلئے اضافی نفری تعینات کی جارہی ہے، پارکس اور تفریحی مقامات پر وردی وسول پارچات میں افسران وجوان تعینات ہونگے، ڈولفن، پی آریو اور تھانوں کی ٹیمیں اہم مقامات پر مؤثر گشت یقینی بنائیں گی۔

ڈی آئی جی آپریشنزنے کہا کہ شہری غیر قانونی سرگرمیوں میں ملوث افراد کی اطلاع فوری15 پر دیں،  والدین اور سول سوسائٹی اس ضمن میں اپنا کردارادا کریں، ہوائی فائرنگ، ون ویلنگ،ہلڑ بازی، پتنگ بازی کے واقعات پر قانون حرکت میں آئے گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔