فیفا ویمنز ورلڈ کپ 2023 کے پری کوارٹر فائنل میں کولمبیا نے جمیکا کو 1-0 سے شکست دے دی۔

تفصیلات کے مطابق فیفا ویمنز ورلڈ کپ 2023 کے پری کوارٹر فائنل میں کولمبیا نے دوسرے ہاف میں گول کر کے جمیکا کو 1-0 سے شکست دے کر ویمنز ورلڈ کپ کے کوارٹر فائنل میں جگہ بنا لی۔

کیٹالینا اسمے کے گول نے ورلڈ کپ میں پہلی بار جمیکا کے دفاع کو توڑتے ہوئے کولمبیا کو 1-0 سے فتح دلائی، کوارٹر فائنل میں کولمبیا کا مقابلہ انگلینڈ سے ہو گا۔

میلبورن کے مستطیل اسٹیڈیم میں 51 ویں منٹ میں کپتان کے گول نے کولمبیا کے شائقین کو حیران کر دیا اور اس بات کو یقینی بنایا کہ وہ آخری چار میں جگہ بنانے کے لیے انگلینڈ کا مقابلہ کریں گے۔

کولمبیا کی ایک گول کی برتری ہاف ٹائم تک جاری رہی، جمیکا کے کھلاڑیوں نے گول برابر کرنے کی کوشش کی لیکن وہ کامیاب نہ ہو سکیں۔

جمیکا کو گول برابر کرنے کے بیشتر مواقع ملے لیکن وہ میچ میں واپس آنے میں ناکام رہے۔

جمیکا کی ٹیم دوسری مرتبہ فیفا ویمنز ورلڈ کپ کے ناک آؤٹ مرحلے تک پہنچی تھی۔

جمیکا کا دفاع پورے ایونٹ کے دوران بہت مضبوط تھا، اور اس میچ سے قبل کوئی بھی ٹیم ان کے خلاف گول کرنے میں کامیاب نہیں ہو سکی تھی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں