ہائی بلڈ پریشرایک خاموش قاتل ہے۔ آپ کو یہ معلوم ہونے میں بھی کئی برس لگ سکتے ہیں آپ کو یہ مرض ہے، اس کی وجہ یہ ہے کہ اس کی کوئی علامت سامنے نہیں آتی۔ تاہم کچھ قدرتی غذائیں اور عادات ہیں جنہیں اپنا کر اس مرض سے بچا جاسکتا ہے۔

طرززندگی، غذا میں تبدیلیاں اورعلاج سے آپ اس کو کنٹورل کر سکتے ہیں۔ فوری راحت کے لیے، آپ چند گہری سانسیں لے سکتے ہیں اور پرسکون ہونے کی کوشش کر سکتے ہیں۔ دوسری صورت میں، آپ طرز زندگی میں کچھ تبدیلیاں آزما سکتے ہیں جو آپ کے بلڈ پریشر کی سطح کو برقرار رکھنے میں آپ کی مدد کریں گی۔

نمک کی مقدار کو کم کریں

ہائی بلڈ پریشر کی ایک بڑی وجہ نمک کا زیادہ استعمال ہے۔ اس لیے نمک کے بجائے اپنے کھانے کو جڑی بوٹیوں اور مصالحوں کے ساتھ ملاکر استعمال کریں۔ یہ ذائقہ پر سمجھوتہ کیے بغیر کھانے کا یہ ایک صحت مند طریقہ ہے۔

پوٹاشیم سے بھرپور غذائیں

یہ منرل جسم سے سوڈیم کو خارج کرنے میں مدد فراہم کرتا ہے اور خون کی نالیوں پر دباؤ کو کم کرتا ہے۔ غذا میں پتوں والی سبزیاں، شکرقندی، کیلے، ٹماٹر، ایوکاڈو اور نارنگی جیسی غذائیں شامل کریں۔ دودھ کی مصنوعات میں بھی یہ غذائیت ہوتی ہے۔ اس لیے روزانہ دودھ اور دہی ضرور کھائیں۔ دوسرے اختیارات میں گری دار میوے اور بیج اور چربی والی مچھلی شامل ہیں۔

تناؤ سے بچیں

تناؤ آپ کے جسم کو مسلسل اضطراب میں رکھتا ہے آپ کا دل تیزی سے دھڑکتا ہے اور آپ کی خون کی شریانیں تنگ ہوجاتی ہیں۔ تناؤ آپ کو ضرورت سے زیادہ کھانے پر بھی مجبور کر سکتا ہے جو موٹاپے کا باعث بنے گا، اوریہ ہائی بلڈ پریشر کا ایک اور خطرہ ہے جبکہ آپ بے خوابی کا بھی سامنا کرسکتے ہیں۔

تناؤ جتنا زیادہ ہوگا بلڈ پریشر کا امکان اتنا ہی بڑھ جائے گا۔ لہذا، ہر وقت کشیدگی سے بچنے کی کوشش کریں. مراقبہ اور فطرت کے قریب وقت گزاریں سرسبز مقام میں ٹہلنا آپ کے تناؤ کی سطح کو نمایاں طور پر کم کر سکتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں