راجہ پرویز اشرف نے کہا ہے کہ بطور نگران وزیراعلیٰ علی مردان ڈومکی اپنی آئینی ذمہ داریوں کو پورا کریں گے۔

تفصیلات کے مطابق اپنے ایک بیان میں اسپیکر قومی اسمبلی راجہ پرویز اشرف نے علی مردان ڈومکی کو نگراںوزیراعلی بلوچستان نامزد ہونے پر مبارکباد دی ہے۔

راجہ پرویز اشرف نے علی مردان ڈومکی کے لیے نیک خواہشات کا اظہار کیا اور کہا کہ بطور نگران وزیراعلیٰ علی مردان ڈومکی اپنی آئینی ذمہ داریوں کو پورا کریں گے اور جمہوریت کے تسلسل کے لیے اپنا کردار ادا کریں گے۔

اسپیکر قومی اسمبلی راجہ پرویز اشرف نے توقع ظاہر کی کہ علی مردان ڈومکی کی سربراہی میں بلوچستان میں شفاف انتخابات کا انعقاد ہو گا۔

علی مردان ڈومکی نگران وزیراعلیٰ بلوچستان مقرر

نگراں وزیراعلیٰ بلوچستان کیلیے علی مردان ڈومکی کی منظوری دے دی گئی اور ہے اور گورنر بلوچستان ملک عبدالولی کاکڑ نے سمری پر دستخط کردیے ہیں۔

ترجمان گورنر ہاؤس بلوچستان نے اپنے بیان میں تصدیق کی ہے کہ گورنر بلوچستان نے پارلیمانی کمیٹی کی تجویز پر علی مردان ڈومکی کے بطور نگراں وزیراعلیٰ تقرری کی منظوری دے دی ہے۔

ذرائع کا کہنا ہے کہ نامزد نگراں وزیر اعلیٰ علی مردان ڈومکی آج ہی عہدے کا حلف اٹھائیں گے۔

حلف برداری کی تقریب حلف برداری آج شام گورنر ہاؤس میں ہوگی اور گورنر بلوچستان ملک ولی خان کاکڑ ان سے حلف لیں گے۔

گورنر بلوچستان ملک عبدالولی خان کاکڑ، علی مردان خان ڈومکی سے نگران وزیراعلیٰ بلوچستان کے منصب کا حلف لیں گے۔