بالی وڈ کنگ شاہ رخ خان اور سنی دیول نے ماضی ایک دوسرے سے ماضی میں طویل عرصے تک بات نہیں کی تھی۔

حال ہی میں شاہ رخ خان نے اپنی نئی فلم ’جوان‘ کا گانا ’ناٹ رامایاں واستوایاں‘ کا ٹیزر ریلیز کرنے کے بعد کچھ دیر مداحوں سے بات چیت کرنے کے لیے ایک سیشن رکھا۔

اس سیشن میں ایک مداح نے سوال پوچھا کہ آپ نےفلم’غدر 2‘ دیکھی؟‘

اُنہوں نے اس سوال کا جواب دیتے ہوئے لکھا کہ’ جی ہاں، میں نے فلم دیکھی اور مجھے پسند بھی آئی‘۔

شاہ رخ خان کے اس جواب سے ایسا محسوس ہوا کہ اب ان کے اور سنی دیول کے درمیان تعلقات بہتر ہوگئے ہیں۔

یاد رہے کہ شاہ رخ خان اور سنی دیول نے 1993ء کی ہٹ فلم’ڈر‘ میں ایک ساتھ کام کیا تھا۔

سنی دیول نے اپنے ایک انٹرویو میں فلم’ڈر‘ کو اپنی زندگی کا سب سے بدترین تجربہ قرار دیا تھا۔

اُنہوں نے بتایا کہ اگر میں اپنا کیریئر دوبارہ شروع کروں تو میں فلم ’ڈر‘ جیسی غلطی کرنے سے بچوں گا۔

اداکار نے بات جاری رکھتے ہوئے مزید کہا تھا کہ یہ فلم میری زندگی کا بدترین تجربہ تھا۔

انہوں نے بتایا کہ اس فلم کے دوران میرے ساتھ بہت ہیرا پھیری کی گئی اور جھوٹ بولا گیا۔

اُنہوں نے یہ بھی بتایا کہ سوئٹزرلینڈ میں ایک دن مجھے اتنا غصہ آیا کہ میں نے جیب میں ہاتھ ڈالے تو میں نے جو جینز پہنی ہوئی تھی اسے پھاڑ دیا۔

سنی دیول نے انکشاف کیا کہ اس فلم کی شوٹنگ کے دوران میرا ڈائریکٹر سے  ایک سین کے بارے میں اختلاف تھا جس میں شاہ رخ خان نے مجھ پر چاکو سے وار کرنا تھا۔

اس اختلاف کے بعد 16 سال تک سنی دیول اور شاہ رخ خان کے درمیان بات نہیں ہوئی۔

واضح رہے سنی دیول نے وضاحت دیتے ہوئے کہا کہ ایسا کچھ نہیں ہے کہ ہم نے ایک دوسرے سے بات نہیں کی پس میں زیادہ سوشل نہیں ہوں، اس لیے ہم کبھی دوبارہ ملے نہیں تو بات نہیں ہوئی۔