عدالت نے کم سن ملازمہ فاطمہ فرڑو قتل کیس میں گرفتارپیراسد شاہ ایک روزہ جسمانی ریمانڈ پرپولیس کے حوالے کردیا۔

تفصیلات کے مطابق کم سن ملازمہ فاطمہ فرڑو قتل کیس میں گرفتار پیر اسد شاہ کو رانی پور کی عدالت میں پیش کیا گیا۔

سول جج و جوڈیشل مجسٹریٹ رانی پور محمد عظیم سولنگی کی عدالت نے مقدمہ انسداد دہشت گردی خیرپور کی خصوصی عدالت میں منتقل کر کرنے کا حکم دیتے ہوئے ایک روز کے جسمانی ریمانڈ پر پیر اسد شاہ کو رانی پور پولیس کے حوالے کردیا۔

کم سن ملازمہ فاطمہ فرڑو کے قتل کے مقدمے میں 31 اگست کو ملزم اسد شاہ اور نائب قاصد امتیاز میراسی کو انسداد دہشت گردی خیرپور کی خصوصی عدالت میں پیش کیا جائے گا۔

کمن سن ملازمہ فاطمہ فرڑو قتل کے مقدمے کی پیروی کرنے والے معروف قانون دان نثار احمد بھنبھرو ایڈوکیٹ اور دیگر وکلاء نے رانی پور کی عدالت کے جج کو مقدمہ انسداد دہشت گردی کی عدالت میں منتقل کرنے کی استدعا کی تھی۔

مقتولہ بچی فاطمہ فرڑو کے مقدمے کی پیروی کرنے والے وکلا کے دلائل سننے کے بعد رانی پورکی عدالت نے مقدمہ خیرپورکی انسداد دہشت گر دی کی خصوصی عدالت میں پیش کرنے کا فیصلہ دیا۔

پولیس کا کہنا ہے کہ کل ملزم اسد شاہ اور ملزم امتیاز میرانی کو اے ٹی سی کی عدالت میں پیش کیا جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔