ایکسپو سینٹر کراچی میں ٹیکنالوجی فیسٹیول کا انعقاد کیا گیا۔

تفصیلات کے مطابق ٹیکنالوجی فیسٹیول کا افتتاح امیر جماعت اسلامی کراچی حافظ نعیم الرحمان کر رہے ہیں۔

ٹیکنالوجی فیسٹیول میں نوجوانوں طلباء کی جانب سے مختلف ٹیکنالوجی کے اسٹالز لگائے گئے ہیں۔

حافظ نعیم الرحمان کا اس موقع پر کہنا تھا کہ اس نمائش میں طلبہ کے لیے جدید ٹیکنالوجی کو رکھا گیا ہے، یہاں 70 سے زائد مختلف اسٹالز لگائے گئے ہیں، اس ٹیلنٹ کو حکومت کی سپورٹ مل جائے تو پاکستان کہاں سے کہاں جا سکتا ہے، اگر حکومت درست انداز میں کام کرے تو آئی ٹی کے ذریعے اربوں ڈالر کی برآمدات کر سکتے ہیں۔

ان کا کہنا تھا کہ برآمدات کے باعث قرضوں میں کمی آسکتی ہے، ہزاروں کی تعداد میں نوجوان ہیں جو یہاں وزٹ کر رہے ہیں، بے روزگاری کو کیسے ختم کیا جا سکتا اس نمائش میں شریک ہو کر سمجھا جا سکتا ہے، بنو قابل پروگرام کے ذریعے ہم کراچی کے طلبہ کو مختلف کورسز کرا رہے ہیں، ہم اس ٹیکنالوجی سے چاہتے ہیں نوجوانوں کو رسائی ہو اور ترقی کرے۔

انہوں نے کہا کہ آرٹیفیشل انٹیلیجنس کے ذریعے طلبہ کو آگے لانا ہے، اس وقت مجموعی طور پر مایوسی کی فضا ہے، یہاں مایوسی امید میں تبدیل ہوتی نظر آرہی ہے، یہ شہر آگے بڑھے گا شہر ترقی کریگا اور مسائل حل ہونگے۔

حافظ نعیم نے کہا کہ آج مشاورتی اجلاس ہم نے منعقد کیا ہے جس میں تاجر سمیت سول سوسائٹی موجود ہو گی، ہم یہ بتانا چاہتے ہیں کہ صرف تنقید نہیں کر رہے بلکہ جو حکومت اور ریاست کا ہے وہ کام کر رہے ہیں، لوڈشیڈنگ کے حوالے سے ایک راستہ ہے کہ مزاحمت کرے، ہم یہاں وہ کام کر رہے ہیں جو ریاست کو کرنا چاہیے، اس طرح کے ایونٹس سے بچوں کو روزگار کے مواقع فراہم ہونگے، حکومت امن صحت اور تعلیم سے ہمیں محروم رکھ رہی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں