چیئرمین سینیٹ کا کہنا ہے کہ انتخابات کروانا الیکشن کمیشن کا کام ہے، الیکشن کمیشن وقت پر الیکشن کروائےگا، قوم مطمئن رہے۔ 

چئیرمین سینیٹ صادق سنجرانی نے مزارقائد پرحاضری دینے کے بعد میڈیا سے گفتگو کرتے ہوئے کہاکہ  سینیٹ آف پاکستان چاروں صوبوں کی نمائندگی کرے گا۔ پاکستان کا جمہوری عمل انشاللہ اسی طرح بڑھتا رہے۔

صادق سنجرانی نے کہا کہ پاکستان میں مل کر کام کریں گے۔ پاکستان کی ترقی کا سفر جاری ہے اور رہے گا۔ میں پورے پاکستان کی بات کرتا ہوں۔ بلوچستان سے نگران وزیر اعظم ہیں۔ رقبے کے لحاظ سے بلوچستان بہت بڑا صوبہ ہے۔

چیئرمین سینیٹ نے کہا کہ مختصر وقت میں بلوجستان میں ترقی نہیں ہو سکتی۔ بلوجستان رقبے کے لحاظ سے پاکستان کا چوتھائی حصہ ہے۔ ترقیاتی کاموں کے لیے ٹریلین کی ضرورت ہوگی۔ پاکستان عوامی پارٹی بلوچستان میں بڑی عوامی پارٹی ہے۔

انھوں نے کہا کہ راجا ریاض کا نہیں پتا کہ کس کو بڑا کہا ہے۔ سب نے مل کر مردم شماری کی منظوری ہے۔ الیکشن کروانا الیکشن کمیشن کا کام ہے۔ 9 ستمبر کو صدر کی مدت ختم ہورہی ہے۔

صادق سنجرانی نے مذید کہا کہ دعا کریں کہ بلوچستان عوامی پارٹی اسی طرح سے ترقی کرتی رہے۔ قوم مطمئن رہے اورالیکشن کمیشن انتخابات بروقت کروائیگا۔

چیئرمین سینیٹ نے کہا کہ بلوچستان میں مزید بہتری کی ضرورت ہے، بلوچستان کی احساس محرومی آہستہ آہستہ کم ہوگی، ہمیں ہمیشہ بہتری کا سوچنا چاہیے۔

پاکستان میں نگراں حکومتیں آچکی ہیں۔ انتخابات کروانا الیکشن کمیشن کا کام ہے، الیکشن کمیشن وقت پر الیکشن کروائےگا، قوم مطمئن رہے۔ مشکلات آتی ہیں قوم متحد ہوکران سے نکلتی ہے۔

مزارقائد پرحاضری کے وقت نیوی کے دستے نے چیئرمین سینیٹ کو سلامی بھی دی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔