سعودی عرب میں بندروں کو کھانا دینا قابل سزا عمل ہے اور اس پر 500 ریال تک جرمانہ ہوسکتا ہے۔
غیر ملکی میڈیا کے مطابق سعودی عرب میں جنگلی حیات افزائش کے قومی مرکزی کے مطابق مملکت میں ببون نسل کے بندروں کو کھانا دینا قابل سزا عمل ہے جس پر 500 ریال جرمانے کی سزا ہے۔
محکمے کا کہنا ہے کہ شاہراہوں سے سفر کرتے وقت بعض افراد بابون بندروں کو اپنی گاڑی سے کھانا ڈالتے ہیں وہ ایسا نہ کریں کیوں کہ اس پر انہیں سزا کا سامنا کرنا پڑ سکتا ہے۔ دوران سفر سی سی ٹی وی کیمروں سے مسافروں کی ہر حرکات ریکارڈ ہو رہی ہوتی ہیں ، ایسے میں خلاف ورزی کرنے والوں کے خلاف کارروائی ہوسکتی ہے۔
واضح رہے کہ قومی مرکز برائے افزائش جنگلی حیاتیات ان دنوں سعودی عرب کے متاثرہ مقامات پر ببون بندروں کی بڑھتی ہوئی تعداد کے مسئلے سے نمٹنے کی کوشش کر رہا ہے اور بندروں کے لیے کھانا ڈالنے سے روکنے کے لیے 340 سے زیادہ انتباہی بورڈ نصب کیے ہوئے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
