انسانی جسم میں مائیکروبس کی افادیت سے سب ہی واقف ہیں تاہم پہلی بار چھوٹے بچوں میں ان کی موجودگی کا علمی مہارتوں سے تعلق دریافت ہواہے۔

انسانی جسم میں گٹ مائیکروبس سے مراد وہ کھربوں جرثومے ہیں، جیسے بیکٹیریا، جو انسانی آنتوں میں رہتے ہیں۔ مائیکرو بایوم وہ ماحول ہے جس میں وہ رہتے ہیں۔ جسم میں زیادہ تر جرثومے مفید ہوتے ہیں، لیکن اگر ان کا توازن بگڑ جائے تو یہ نقصان دہ ثابت ہو سکتے ہیں۔

حال ہی میں کی جانے والی تحقیق میں محققین نے شیر خوار بچوں کی آنتوں میں موجود خاص جرثوموں اور ابتدائی علمی نشوونما کی کارکردگی کے درمیان تعلق کو دریافت کیا ہے۔

اس چھوٹے سے تحقیقی مطالعے میں 56 شیر خوار بچوں کا جائزہ لیا گیا، جس سے یہ بات سامنے آئی کہ کچھ مائیکرو بایوم کمپوزیشن ’’پوائنٹ اینڈ گیز‘‘جیسے علمی ٹیسٹوں میں کامیابی کے ساتھ مطابقت رکھتے ہیں۔ اگرچہ یہ نتائج علمی ترقی پران جرثوموں کے ممکنہ اثر کی طرف اشارہ کرتے ہیں تاہم اسے مزید تحقیق کی ضرورت ہے۔

واضح رہے کہ ماضی میں بھی اس طرح کے کئی مطالعے کیے جاچکے ہیں جس میں ان جرثوموں کا دماغی نشوونما میں کردار کے حوالے سے شواہد سامنے آئے تھے تاہم پہلی بار نوزائیدہ بچوں میں  مخصوص مائیکروبس کا ان کی ابھرتی ہوئی علمی صلاحیتوں کے درمیان تعلق کو نوٹ کیا گیا۔

ان ممکنہ رابطوں کو وضاحت سے سمجھنے کے لیے ہنٹر اور ان کے ساتھیوں نے چار سے چھ ماہ کی عمر کے 56 شیر خوار بچوں کے ڈیٹا کا تجزیہ کیا۔ شیر خوار بچوں میں سے ہر ایک نے مختلف علمی صلاحیتوں کی تین میں سے کم از کم ایک مشق کو مکمل کیا تھا، اور محققین نے آنتوں کے نمونوں کا استعمال کرتے ہوئے ان کے گٹ مائکرو بایوم کا جائزہ لیا۔

انھوں نے پایا کہ جو شیرخوار سماجی توجہ کے امتحان میں کامیاب ہوئے جسے “پوائنٹ اینڈ گیز” کہا جاتا ہے، جو کسی چیز پر توجہ مرکوز کرنے کی صلاحیت کو دوسرے شخص کے ساتھ بانٹنے کی پیمائش کرتا ہے ایکٹینوبیکٹیریا فیلم، جینس  Bifidobacterium میں جرثوموں کی زیادہ مقدار اور Eggerthella genus،  Firmicutes phylum، Hungateella genus، اور Strepcococcus genus میں جرثوموں کی کم مقدار رکھتے تھے۔

تحقیق کے نتائج  کے مطابق مائیکرو بایوم ابتدائی علمی نشوونما کو متاثر کر سکتے ہیں۔ لیکن اس کردار کی تصدیق اور وضاحت کے لیے مزید تحقیق کی ضرورت ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں