قومی اسمبلی کا آج آخری روز ہے، قومی اسمبلی 2 بجے اور مشترکہ اجلاس ساڑھے پانچ بجے ہوگا۔

قومی اسمبلی کےآخری اجلاس کا چھ نکاتی ایجنڈا جاری کردیا گیا، آج قومی اسمبلی اجلاس کے ایجنڈے میں کوئی بھی قانون منظوری کے لئے شامل نہیں۔

حیدرآباد کے علاقے لطیف آباد میں بجلی کی غیر اعلانیہ لوڈشیڈنگ کے خلاف توجہ دلاؤنوٹس، خیبر پختونخواہ کے سیلاب زدہ علاقوں بالخصوص چترال میں ریلیف تاحال نہ ملنے کے خلاف توجہ دلاؤنوٹس اورپارلیمانی سال کے آغاز پر مشترکہ اجلاس سے صدرمملکت کے خطاب پر اظہار تشکر کی قرارداد پر بحث بھی ایجنڈے میں شامل ہے۔

پورے پارلیمانی سال میں صدر مملکت کے اظہار تشکر کی قرارداد ایجنڈے میں موجود رہی مگر ایک دن بھی اس پر ایوان میں بات نہ ہوسکی، موجودہ پارلیمانی سال اور اسمبلی مکمل ہورہی ہے۔

دوسری جانب پارلیمنٹ کے مشترکہ اجلاس کا دو نکاتی ایجنڈا جاری کردیا گیا، مشترکہ اجلاس میں آٹھ مختلف پالیسی موضوعات پر بحث ایجنڈے کا حصہ ہیں۔

مشترکہ اجلاس کے ایجنڈے میں امن و امان و دہشتگردی،اقتصادی پالیسی و خارجہ پالیسی پربحث، مشترکہ اجلاس کے ایجنڈے میں جموں و کشمیر پالیسی، قومی اداروں کی تکریم، سی پیک اورآبادی میں تیزی سے اضافہ ،موسمیاتی تبدیلی پر بحث ایجنڈے میں شامل ہے۔

مشترکہ اجلاس کو مسلسل جاری رکھنے کے لئے آٹھ موضوعات پر بحث کئی ماہ سے ایجنڈے کا حصہ رہی مگر اسمبلی کےآخری دن آنے تک بحث نہ ہوسکی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔