بالی وڈ کی ڈانسر اداکارہ نے اداکارہ جیکولین فرنینڈس کے خلاف دہلی کی عدالت میں ہتک عزت کا مقدمہ دائر کر دیا۔

غیر ملکی خبر رساں ادارے کے مطابق اس معاملے کا تعلق 200 کروڑ کی بھتہ خوری کے اس کیس سے ہے جس کے مرکزی ملزم سکیش چندرشیکھر ہیں۔

نورا فتیحی نے اپنی دائر کردہ درخواست میں کہا ہے کہ یہ واضح ہونا شروع ہو گیا ہے کہ مذکورہ حریفوں نے شوبز انڈسٹری میں ان کا مقابلہ کرنے سے قاصر ہونے کی وجہ سے ان کی ساکھ کو داغدار کرنے کی کوشش شروع کر دی ہے جس سے خدشہ ہے کہ ان کا کام بند ہو جائے گا۔

انہوں نے کہا کہ  یہ ہتک آمیز تبصرے ابتدائی طور پر ملزم جیکولین فرنینڈسکی طرف سے کیے گئے تھے اور دوسرے ملزمان نے اسے پھیلایا۔

’یہ سب ایک دوسرے کی ملی بھگت سے کام کر رہے تھے اور یہ ملزم جیکولیس فرنینڈس کی سازش تھی۔

اس حوالے سے انڈیا کے انفورسمنٹ ڈائریکٹوریٹ نے کہا تھا کہ ’بالی وڈ سلیبریٹیز جیکولین فرنینڈس اور نورا فتیحی کو ایک فراڈیے کے طور پر پہچانے جانے والے سکیش چندرشیکھر کی طرف سے قیمتی تحائف دیے گئے ہیں۔

انفوسمنٹ ڈائریکٹوریٹ کے بیان میں مزید کہا گیا تھا کہ دوران حراست ملزم چندرشیکر کا بیان 14 اکتوبر کو ریکارڈ کیا گیا جس میں انہوں نے اعتراف کیا کہ انہوں نے نورا فتیحی کو ایک بی ایم ڈبلیو گاڑی ایس سیریز تحفے میں دی جسے نورا کے کہنے پر بوبی کان کے نام پر رجسٹر کرایا گیا۔

گزشتہ برس ستمبر میں چندر شیکھر اور ان کی اداکار بیوی لینا ماریا پال دونوں کو دہلی پولیس نے دھوکہ دہی کے معاملے میں ان کے مبینہ کردار الزام میں گرفتار کیا تھا۔

دہلی پولیس نے اس معاملے میں اب تک 13 لوگوں کو گرفتار کیا ہے۔

انفورسمنٹ ڈپارٹمنٹ کو شبہ ہے کہ چندر شیکھر نے جیل میں رہتے ہوئے کئی لوگوں سے رقم وصول کی تھی۔

واضح رہے کہ عدالت نے پیر کو جیکولیس فرنینڈس اور چندر شیکھر کے خلاف منی لانڈرنگ کیس کی سماعت 20 دسمبر تک ملتوی کر دی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں