بالی وڈ اداکارہ اننیا پانڈے نے آریان خان کی سیریز “اسٹارڈم” میں اپنی شمولیت کا اشارہ دے دیا۔

بالی وڈ اداکار شاہ رخ خان کے بیٹےاداکار آریان خان “اسٹارڈم” کے نام سے ایک ویب سیریز کے ساتھ اپنے ہدایت کاری کے سفر کا آغاز کرنے والے ہیں، جو ان کی پہلی ہدایت کاری کی کوشش ہے۔

غیر ملکی خبر رساں ادارے کے مطابق چھ اقساط پر مشتمل یہ سیریز ریڈ چلیز انٹرٹینمنٹ کی طرف سے تیار کی جائے گی اور یہ بالی ووڈ فلم انڈسٹری کے تناظر میں سامنے آئے گی۔

تاہم اس کی شوٹنگ کا کام آئندہ سال شروع ہونے کا امکان ہے۔

اگرچہ آریان نے اپنی سیریز تیار کرنے کا عمل شروع کر دیا ہے، لیکن ابھی تک اس بات کی تصدیق نہیں ہو سکی کہ آیا وہ صرف شوارنر ہوں گے یا آن اسکرین رول بھی کریں گے۔

اس کے علاوہ فلم  “اسٹوڈنٹ آف دی ایئر 2” کی اداکارہ اننیا پانڈے سے جب اس پروجیکٹ میں ان کی ممکنہ شمولیت کے بارے میں سوال کیا گیا تو انہوں نے مبہم یعنی واضح طور پر جواب نہیں دیا۔

تاہم اس غیر حتمی جواب نے اس کی ممکنہ شرکت کے بارے میں قیاس آرائیاں کی ہیں۔

دوسری جانب اپنے تخیلاتی تصورات کو بیان کرنے کے علاوہ آریان خان اپنے افتتاحی برانڈ ڈی یاول کے ساتھ کاروباری سفر بھی شروع کر رہے ہیں۔

آریان نے انکشاف کیا کہ اپنے لائف اسٹائل لگژری اجتماعی کے آغاز کو تقریباً پانچ سال ہو چکے ہیں، جسے اب اس نے اپنے ساتھیوں بنٹی سنگھ اور لیٹی بلاگوئیوا کے ساتھ مل کر متعارف کرایا ہے۔

اس وقت اننیا پانڈے اپنی آنے والی فلم ’’ڈریم گرل 2‘‘ کی تشہیر میں مصروف ہیں جس میں وہ ایوشمان کھرانہ، پریش راول، انو کپور، راجپال یادو، وجے راز، اسرانی، ابھیشیک بنرجی، منجوت سنگھ، کے ساتھ اسکرین شیئر کر رہی ہیں۔ اس فلم میں اداکارہ اننیا کا کردار مزاحیہ ہے۔

مزید برآں اننیا پانڈے “Call Me Bae” کے عنوان سے OTT پلیٹ فارم پر اپنے آنے والے ڈیبیو کے ساتھ ویب سیریز کے دائرے میں قدم رکھنے کے لیے تیار ہیں۔

واضح رہے بالی وڈ اداکارہ اننیا پانڈے کی  فلم”ڈریم گرل 2″ فلم 25 اگست کو ریلیز ہونے والی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں۔