کالے جادو کے لیے خاتون کی قبر سے سر چوری کرلیا گیا

ویب ڈیسک

06th Aug, 2023. 10:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کالے جادو کے لیے خاتون کی قبر سے سر چوری کرلیا گیا

برازیل میں کالے جادو کے لیے ایک خاتون کی قبر سے اس کا سر نکال لیا گیا۔

غیر ملکی خبر رساں ادارے کی رپورٹ کے مطابق برازیل میں ایک ہولناک واقعہ پیش آیا جہاں ایک خاتون کی قبر سے ان کا سر نکال لیا گیا جسے جادو یا دیگر سفلی مقاصد میں استعمال کرنے کا خدشہ ظاہر کیا گیا ہے۔

اگست 2022 میں ایک نوجوان خاتون ’سبرینا ٹیورس ڈی المیڈا‘ کو فائرنگ کے بعد قتل کردیا گیا تھا اور اب حال ہی میں معلوم ہوا کہ ان کی قبر کھودی گئی ہے۔

برازیلن حکام نے فوری طور پر پولیس کو اطلاع کرکے تفتیش شروع کردی، اب پولیس مجرم کی تلاش میں ہے تاکہ اس ہول ناک جرم کی تہہ تک پہنچا جاسکے۔

پولیس کے مطابق سر نکالنے کے لیے پتھر کی سلیب ہٹائی گئی اور لکڑی کا تابوت توڑا گیا، اس کے بعد اندر موجود جسدِ خاکی سے سر غائب کردیا گیا۔

قبر کے پاس موجود بعض شواہد سے معلوم ہوا ہے کہ لاش کے سر کو کالا جادو کے مقصد کے لیے چرایا گیا ہے کیوں کہ قبرکے پاس ایک پیالہ ملا ہے جس میں جلی ہوئی اشیا اور کچھ راکھ بھی ملی ہے۔