یوکرین کے ایک ڈرون حملے میں روس کا ایک طویل فاصلے تک مار کرنے والا سپر سونک بمبار طیارہ تباہ ہو گیا ہے۔

تفصیلات کے مطابق سوشل میڈیا پر پوسٹ کی جانے والی تصاویر اور برطانوی خبر رساں ادارے کی جانب سے تجزیہ کی گئی تصاویر میں دیکھا جا سکتا ہے کہ سینٹ پیٹرزبرگ کے جنوب میں واقع سولٹسی-2 ایئر بیس پر ایک ٹوپولیف ٹی یو-22 میں آگ لگی ہوئی ہے۔

ماسکو کا کہنا ہے کہ ایک ڈرون کو چھوٹے ہتھیاروں سے نشانہ بنایا گیا لیکن وہ ایک طیارے کو نقصان پہنچانے میں کامیاب رہا۔ یوکرین نے اس پر کوئی تبصرہ نہیں کیا ہے۔

ٹی یو-22 آواز کی رفتار سے دگنی رفتار سے سفر کر سکتا ہے اور روس نے یوکرین کے شہروں پر حملے کرنے کے لیے بڑے پیمانے پر اس کا استعمال کیا ہے۔

روسی وزارت دفاع نے ایک بیان میں کہا ہے کہ ماسکو کے وقت کے مطابق 10 بجے کے قریب ہیلی کاپٹر قسم کے ڈرون کا حملہ ہوا۔

روسی وزارت دفاع نے اس مقام کو نووگورود خطے میں ایک فوجی ہوائی اڈے کے طور پر بیان کیا ہے، جہاں سولٹی -2 واقع ہے.

وزارت نے کہا کہ ڈرون کا پتہ ہوائی اڈے کی نگرانی کی چوکی نے لگایا اور اسے چھوٹے ہتھیاروں سے نشانہ بنایا گیا۔

وزرات دفاع کے بیان کے مطابق ایک ہوائی جہاز کو نقصان پہنچا ہے اور دہشت گردانہ کارروائی کے نتیجے میں کوئی جانی نقصان نہیں ہوا۔

بیان میں یہ بھی کہا گیا ہے کہ ایئر فیلڈ پارکنگ میں لگنے والی آگ کو فوری طور پر بجھا دیا گیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں