دنیا میں ایسے افراد کی کمی نہیں ہے جو اکثر گیس اور اپھارہ کے مسائل کا سامنا کرتے ہیں وہ کچھ بھی کھالیں انہیں گیس ہونے لگتی ہے وہ کون سی غذائیں ہیں جو نظام انہضام پر مضر اثرات مرتب کر کے گیس اور اپھارہ کا سبب بنتی ہیں جانتے ہیں۔

اپھارہ کے لیے بدترین غذائیں

سبزیاں

 بروکولی اور بند گوبھی  ایسی سبزیاں ہیں جو اپھارہ کا سبب بنتی ہیں ان میں رفائنوز نامی ایک چینی ہوتی ہے جو گیس کا باعث بنتی ہے۔

دالیں

دالیں، سویابین اور مٹر کے ساتھ پھلیاں گیس پیدا کرنے والی غذا کے طور پر جانی جاتی ہیں۔ اگرچہ یہ پروٹین کے حصول کا سب سے مؤثر ذریعہ ہے تاہم یہ اپھارہ کا سبب بھی بنتی ہیں۔

 ڈیری مصنوعات 

اگر آپ پنیر کے چند سلائس یا دودھ کے ایک گلاس کے بعد گیس محسوس کرتے ہیں تو آپ کو لییکٹوز عدم برداشت جیسا مسئلہ ہے اسی لئے کچھ لوگوں میں دودھ اور اس سے بنی غذائیں گیس کا سبب بنتی ہیں۔

فوڈ میپ فوڈز

ایسے غذائیں جن میں کاربوہائیڈریٹ کی مقدار بہت زیادہ ہوتی ہے انہیں فوڈ میپ فوڈز کہا جاتا ہے یہ بھی گیس کا سبب بنتی ہیں فوڈ میپ فوڈز غذاؤں میں پھل جیسے خوبانی، چیری اور آڑو، تربوز، چقندر، پیاز، مٹر اورسیب شامل ہیں۔

نمکین غذائیں

زیادہ سوڈیم والی غذائیں کھانے سے جسم میں پانی مقدار بڑھ سکتی ہے جو گیس اور اپھارے کا باعث بنتی ہے۔

وہ غذائیں جن میں گلوٹین ہوتا ہے جیسے پیازاور لہسن۔

تربوز

کچھ پھلوں میں فریکٹوز کی مقدار زیادہ ہونے کی وجہ سے بھی یہ گیس کا سبب بنتے ہیں۔

اپھارہ کے لیے بہترین غذائیں

کھیرا، چاول، کیلے، کشمش، خشک خوبانی، آلو، پالک، نارنگی، پپیتا، انناس، پروبائیوٹکس کے ساتھ دہی، سونف کے بیج، ادرک، پیپرمنٹ اور کیمومائل چائےاور دار چینی۔

یہ تمام غذائیں ذود ہضم ہونے کے ساتھ ان میں ایسے اجزاء پائے جاتے ہیں جو آپ کے ہاضمے کو بہتر بناکر گیس ہونے سے محفوظ رکھتے ہیں

گیس کی بہت سی وجوہات ہیں، لیکن بعض اوقات، یہ صرف وہ غذا ہوسکتی ہے جو آپ کھاتے ہیں اگر آپ گیس اور اپھارہ محسوس کرتے ہیں تو اپنی غذا پر دھیان دیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں