بھارتی اداکارہ کریتی کھربندا نے اپنی فلمی زندگی کے دوران پیش آنے والے دلچسپ، عجیب اور خوفناک واقعات کو بیان کردیا۔

اداکارہ کریتی کھربندا نے بتایا کہ ایک بار میں نے فلم شوٹنگ سے واپسی پر اپنے ہوٹل کمرے سے خفیہ کیمرا ڈھونڈ نکالا۔

کریتی نے انکشاف کیا کہ خفیہ کیمرا ہوٹل کے کمرے میں سیٹ باکس کے بالکل پیچھے لگایا گیا تھا۔

انہوں نے مزید کہا کہ میں کیمرا برآمد ہونے پر خوفزدہ ہوئی تھی کیونکہ اس طرح کی صورتحال میں محتاط ہونا ضروری ہے۔

ساتھ ہی ن اہوں نے کہا کہ دراصل میری ٹیم ہمیشہ ہوٹل کے کمرے کو اسکین کرتی ہے۔

اس کے علاوہ دوسرا عجیب واقع اداکارہ نے بتایا کہ ایک بار ایک مداح نے میرے ساتھ تصویر بنواتے ہوئے، مجھے بہت ہی زور کی چٹکی بھری ، چٹکی اتنی شدید تھی کہ مجھے خون نکل آیا، ایسے میں تصویر بنوانے والا بھاگ گیا۔

واضح رہے کہ کریتی کھربندا 2009ء سے فلمی دنیا میں کام کررہی ہیں، انہوں نے 2016ء میں بالی ووڈ فلم ساز وکرم بھٹ کی فلم ’راز‘ سے ڈیبیو کیا۔

بعد ازاں اداکارہ کریتی نے کارواں، ہاؤس فل 4، پاگل پنتی اور شادی میں آنا ضرور میں اداکاری کے جوہر دکھائے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں۔