سانحہ ماڈل ٹاؤن استفاثہ کیس میں عدالت نےآئندہ سماعت پرتمام ملزمان کو پیش کرنے کا حکم دے دیا۔

لاہور کی انسداددہشتگردی عدالت میں سانحہ ماڈل ٹاؤن استفاثہ کیس کی سماعت ہوئی۔ عدالت نے ملزموں کو پیش نہ کرنے پر ڈی آئی جی آپریشنز کو شوکاز نوٹس جاری کر دیے۔

عدالت نے آئندہ سماعت پر 18 اگست کو تمام ملزموں کو پیش کرنے کا حکم دیتے ہوئے کہا کہ گزشتہ سماعت پر ڈی آئی جی کو تمام ملزموں کو خود پیش کرنے کا حکم دیا تھا۔

انسداددہشت گردی عدالت کے جج اعجازاحمد بٹر نے استغاثہ کی سماعت کرتے کہا کہ عدالتی حکم پر عمل کی بجائے آج 24 ملزم غیرحاضری ہیں۔

عدالت نے 24 ملزموں کے ضمانتی مچلکے منسوخ کر دیے اورسابق ایس پی عمر ورک 4 ملزموں کی بریت کی درخواستوں پر بھی دلائل طلب کر لیے۔

پاکستان عوامی تحریک کی جانب سے چودھری نعیم الدین ایڈووکیٹ پیش ہوئے۔

سابق ایس پی عمر ورک، سابق ڈی ایس پی خالد ابوبکر، سابق ڈی ایس پی میاں شفقت، سابق انسپکٹر بشیر نیازی نے بریت کی درخواستیں دائر کر رکھی ہیں۔

سابق ڈی آئی جی پنجاب مشتاق سکھیرا اور ڈی آئی جی آپریشنز رانا عبدالجبار سمیت 5 ملزم پہلے ہی بری ہو چکے ہیں۔

سانحہ ماڈل ٹاؤن استغاثہ میں مجموعی طور پر 124 ملزم نامزد ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔