ہالی وڈ کی نوجوان خوبرو اداکارہ جینا اورٹیگا نے جانی ڈیپ کے ساتھ ڈیٹنگ کو مسترد کرتے ہوئے اپنا ردِ عمل پیش کر دیا۔

غیر ملکی میڈیا خبر رساں ادارے کے مطابق جینا اورٹیگا نے انسٹاگرام اسٹوری پر کہا کہ یہ نہایت ہی مضحکہ خیز بات ہے۔

افواہ تھی کہ جینا 60 سالہ جانی ڈیپ کے ساتھ ڈیٹنگ کر رہی ہیں۔

یہ ہی نہیں بلکہ قیاس ظاہر کیا گیا ہے کہ جینا اورٹیگا کی اگلی فلم ‘بیٹل جوس 2’ میں جانی ڈیپ بھی ان کے ہمراہ نظر آئیں گے۔

اس حوالے اداکارہ جینا نے کہا کہ جانی ڈیپ سے تعلق کی بات اس قدر مضحکہ خیز ہے کہ میں ہنس بھی نہیں سکتی، میں نا کبھی جانی سے ملی ہوں نا ہی ان کے ساتھ کام کیا ہے، جھوٹ پھیلانا بند کریں اور ہمیں اکیلا چھوڑ دیں۔

دوسری طرف جانی ڈیپ کے ایک نمائندے نے کہا کہ جانی کا جینا کے ساتھ نا کبھی پیشہ ورانہ اور نا ہی ذاتی تعلق رہا ہے۔

حد تا کہ جانیہ کے نمائدے نے اس بات کی وضاحت دی کہ جانی نے کبھی جینا سے ملاقات تک نہیں کی نا ہی ان سے کبھی بات کی۔

واضح رہے اداکار کے نمائندے نے مزید کہا کہ جانی ان بےبنیاد افواہوں پر حیرت زدہ ہیں جو ان کے کیریئر اور نیک نامی کو نقصان پہنچانے کی غرض سے پھیلائی جارہی ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں