جنوبی افریقہ میں بجلی کے بحران اور برڈ فلو کی وجہ سے ملک میں مرغیوں کی شدید قلت پیدا ہو گئی ہے۔

عالمی خبر رساں ادارے کی خبر کے مطابق افریقہ کی سب سے ترقی یافتہ معیشت کو بجلی کے بحران کے ساتھ ساتھ پولٹری کی صنعت کو شدید خطرات لاحق ہو گئے ہیں۔

رپورٹس کے مطابق بجلی کے بحران نے جنوبی افریقہ کی پولٹری انڈسٹری کو متاثر کیا ہے اور آپریٹنگ اخراجات میں اضافہ کیا ہے، جو اب بدترین برڈ فلو کی وبا سے متعلق اضافی اخراجات کی وجہ سے بڑھ گیا ہے۔

رپورٹس میں بتایا گیا ہے کہ جنوبی افریقہ کے گوٹینگ اور مپوملانگا صوبوں میں مرغیوں میں برڈ فلو خطرناک شرح سے پھیل گیا ہے۔

برڈ فلو کی وجہ سے پہلے ہی مارکیٹ میں انڈوں کی سپلائی کم ہو چکی ہے اور توقع ہے کہ آنے والے مہینوں میں ویلیو چین میں پولٹری گوشت کی فراہمی منفی طور پر متاثر ہوسکتی ہے۔

واضح رہے کہ افریقہ کی سب سے ترقی یافتہ معیشت کو بجلی کی مسلسل کٹوتی کا سامنا کرنا پڑ رہا ہے جس کی وجہ کوئلے سے چلنے والے بجلی گھروں کے پرانے سسٹم کو ٹھہرایا جاتا ہے۔

سرکاری ملکیت والی بجلی کمپنی ایسکوم باقاعدگی سے کاروباری اداروں اور گھروں کو روزانہ کئی گھنٹوں کے لیے بجلی کی فراہمی میں کمی کر رہی ہے.

فروری میں تجزیہ کاروں نے بتایا تھا کہ پرانے کوئلے کے پلانٹس کی دیکھ بھال میں برسوں کی کم سرمایہ کاری نے ایسکوم کی بجلی کی مسلسل فراہمی کی صلاحیت کو متاثر کیا ہے جبکہ کچھ نئے پاور پلانٹس بھی زیادہ بوجھ کی وجہ سے خراب ہو گئے ہیں۔

رپورٹ میں کہا گیا ہے کہ پولٹری سیکٹر کے لیے بجلی کی بے ترتیب فراہمی وینٹی لیشن سسٹم، ذبیحہ کے شیڈول اور چکن پروسیسنگ کو متاثر کرتی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں