جہانگیر ترین نے کہا ہے کہ الیکشن ناگزیر ہیں، ہر حالت میں ہونے چاہئیں، الیکشن میں تمام جماعتوں کو مساوی مواقع ملنا چاہییں۔

لاہور میں استحکام پاکستان پارٹی کے رہنماؤں کے ہمراہ نیوز کانفرنس کرتے ہوئے پیٹرن انچیف آئی پی پی جہانگیرترین نے کہا کہ خوشی ہے ایک اہم شمولیت ہورہی ہے۔ منزہ حسن کو دل کی گہرائیوں سے خوش آمدید کہتا ہوں۔

انھوں نے کہا کہ امید کرتا ہوں جس مشن پر وہ تھیں انکے ساتھ مل کر اس مشن کو پورا کریں گے۔ جس طرح منزہ حسن جیسی خواتین پارٹی میں شامل ہورہی ہیں اس سے ایک امید پیدا ہورہی ہے۔ پاکستان کے لیے کوشش کریں گے۔

جہانگیر ترین نے کہا کہ الیکشن پاکستان کی سالمیت کے لیے ضروری ہیں، الیکشن میں تمام جماعتوں کو مساوی مواقع ملنا چاہییں، ہماری جمہوری جماعت ہے، صرف پاکستان کے عوام سے مدد کے خواہاں ہیں۔

Advertisement

الیکشن ناگزیر ہیں، ہر حالت میں ہونے چاہئیں، جہانگیر ترین
براہ راست دیکھیں:https://t.co/kGi5LWBrA5 #BOLNews #IstehkaamPakistanParty pic.twitter.com/6VWQ8iIXIH

— BOL Network (@BOLNETWORK) September 22, 2023

ڈاکٹر منزہ حسن نے استحکام پاکستان پارٹی میں باقاعدہ شمولیت کا اعلان کرتے ہوئے کہا کہ سب کو پتہ ہے تین ہفتے پہلے کہا تھا تحریک انصاف سے علیحدگی اختیار کررہی ہوں۔ میں نے فیصلہ کیا استحکام پاکستان پارٹی کو جوائن کروں۔ تحریک انصاف کے ساتھ 26 سال کا سفر ہے۔ جب میں نے پارٹی جوائن کی تھی اس وقت دو سے تین خواتین پارٹی میں مجود تھیں۔

انھوں نے کہا کہ تین چیزوں نے متاثر کیا تھا، ایک قانون سب کے لیے ایک ہوگا، دوسرا عام آدمی کے زندگی میں بہتری لانے کا اقدام تھا اورتیسرا ہمارا نعرہ احتساب کا تھا بلا امتیاز احتساب ہوگا۔ پھر 23 سال بعد ہم حکومت میں آئے۔ میں نے اپنا کام پارلیمنٹ میں پورا کیا۔ جس طرح ووٹ ہر ایک کا حق ہے اسی طرح پوزیشن کی تبدیلی بھی ہر ایک کا حق ہے۔ ملک کی خاطر جہانگیر ترین اسحاق خاکوانی سب کام کررہے ہیں، میں نے استحکام پاکستان پارٹی میں شمولیت اختیار کی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔