سوڈان کے دارالحکومت میں فوج اور حریف افواج کے درمیان شدید لڑائی کے بعد عمارتوں میں آگ لگ گئی ہے۔

غیر ملکی خبر رساں ادارے کی خبر کے مطابق آج فوج اور حریف گروپ آر ایس ایف میں جاری شدید لڑائی کے باعث خرطوم کی معروف گریٹر نیل پیٹرولیم آئل کمپنی ٹاور کو آگ لگ گئی۔

عمارت کے معمار تگرید عبدن نے ایکس پر ایک پوسٹ میں کہا کہ یہ واقعی تکلیف دہ ہے۔

واضح رہے کہ اپریل میں لڑائی شروع ہونے کے بعد سے خرطوم اور دیگر قصبوں اور شہروں میں فضائی حملے اور زمینی لڑائی جاری ہے۔

اقوام متحدہ کا کہنا ہے کہ دس لاکھ سے زائد افراد ملک چھوڑنے پر مجبور ہوئے ہیں۔

دریائے نیل کے قریب واقع 18 منزلہ آئل فرم فلک بوس عمارت خرطوم کے سب سے زیادہ پہچانے جانے والے مقامات میں سے ایک ہے۔

ابھی تک یہ واضح نہیں ہوسکا ہے کہ عمارت کے کونے نما ڈھانچے میں آگ لگنے کی وجہ کیا تھی۔ کسی کے زخمی یا ہلاک ہونے کی اطلاع نہیں ہے۔

سوڈان میں تشدد کا آغاز 15 اپریل کو سوڈانی فوج اور نیم فوجی ریپڈ سپورٹ فورسز (آر ایس ایف) کے رہنماؤں کے درمیان اقتدار کی کشمکش کے بعد ہوا تھا۔

یہ کئی دنوں کی کشیدگی کے بعد ہوا جب آر ایس ایف کے ارکان کو ملک بھر میں دوبارہ تعینات کیا گیا تھا جسے فوج نے ایک خطرے کے طور پر دیکھا تھا۔

سوڈان وار مانیٹر نے جو تنازعے کا تجزیہ فراہم کرتا ہے، کہا ہے کہ آر ایس ایف نے ہفتے کے روز فوج کے زیر کنٹرول علاقوں پر حملہ کیا تھا، جس میں وزارت انصاف کا ایک آفس بلاک بھی شامل تھا۔ بتایا جاتا ہے کہ حملے کے نتیجے میں کئی سرکاری عمارتوں میں آگ لگ گئی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں