پیپلزپارٹی کی سینٹرل ایگزیکٹو کمیٹی کے اجلاس کی اندرونی کہانی سامنے آگئی، سی ای سی نے لطیف کھوسہ کے حوالے سے شدید تحفظات کا اظہارکردیا۔

پی پی ذرائع کے مطابق سی ای سی اراکین نے لطیف کھوسہ کو شدید تنقید کا نشانہ بنایا ہے اوراراکین نے لطیف کھوسہ کی پارٹی رکنیت فورا ختم کرنے کا مطالبہ کیا ہے۔

ذرائع کا کہنا ہے کہ پی پی قیادت نے لطیف کھوسہ بارے ہونے والی گفتگو میں حصہ نہیں لیا، سی ای سی میں پی پی قیادت اور اراکین کے درمیان کھل کر گفتگو ہوئی، سی ای سی اراکین نے بعض معاملات پر پی پی قیادت پر کھل کر تنقید کی۔

پیپلزپارٹی کی سینٹرل ایگزیکٹو کمیٹی کے اجلاس کی اندرونی کہانی سامنے آگئی
براہ راست دیکھیں:https://t.co/pc9YxibT8v#BOLNews #PPP pic.twitter.com/4JDyc3GmHY

Advertisement

— BOL Network (@BOLNETWORK) September 16, 2023

ذرائع نے یہ بھی بتایا کہ بعض اراکین نے پی ڈی ایم حکومت بنوانے میں پی پی قیادت کے کردار پر تنقید کی، کہا کہ پیپلزپارٹی ساتھ نہ دیتی تو شہباز شریف کبھی وزیراعظم نہ بنتے، پی پی قیادت ساتھ نہ دیتی تو پی ڈی ایم آج بھی سڑکوں پر ہوتی۔

اراکین ذرائع کا کہنا ہے کہ شہباز شریف، مولانا فضل الرحمان کو پی پی قیادت نے اس مقام پر پہنچایا، ن لیگ، جے یو آئی احسانات کا بدلہ پی پی پر تنقید کر کے دے رہی ہے۔

ذرائع نے مذید بتایا کہ سی ای سی اجلاس میں آصف زرداری نے خورشید شاہ سے مکالمہ کرتے ہوئے کہا کہ شہباز شریف کو اپوزیشن لیڈر آپ نے بنایا تھا جبکہ بلاول بھٹو نے آصف زرداری کو جواب دیا کہ شہباز شریف کو وزیراعظم آپ نے بنایا تھا، بلاول بھٹو کے برجستہ جواب پرآصف زرداری، اراکین مسکرا دیے۔

ذرائع کا کہنا تھا کہ سی ای سی اراکین نے الیکشن کمیشن کے کردار پر سوالات کیے، پی پی قیادت کی اراکین کو الیکشن کمیشن بارے بیان بازی سے گریز کی ہدایت کی گئی، سی ای سی اراکین نے مہنگائی میں ہوشربا اضافے پر شدید تحفظات کا اظہارکرتے ہوئے کہا کہ بجلی، اشیائے ضروریہ کی قیمتوں میں اضافہ پرعوام کا سامنا کیسے کریں، ن لیگ، جے یو آئی کی تنقید ملبہ پیپلزپارٹی پر ڈالنے کی کوشش ہے۔

سی ای سی اراکین  ذرائع نے کہا کہ موجودہ حالات میں الیکشن ہونے پر نتائج ابھی سے سب کے سامنے ہیں جس پرپی پی کی قیادت نے کہا کہ اراکین بھرپور محنت سے الیکشن لڑ کر نتیجہ اللہ پر چھوڑ دیں۔

پی پی ذرائع کے مطابق اجلاس میں سی ای سی نے نگران سندھ حکومت پر شدید تحفظات کا اظہارکیا ، نگران سندھ حکومت پارٹی رہنمائوں کے خلاف کیس بنا رہی ہے جس پرمراد علی شاہ نے نگراں سندھ حکومت بارے سی ای سی کو بریفنگ دی اور کہا کہ نگران سندھ حکومت مینڈیٹ کے برخلاف کام کر رہی ہے۔

پی پی ذرائع نے یہ بھی بتایا کہ سنٹرل ایگزیکٹو کمیٹی کے اجلاس میں سی ای سی نے وفاقی کابینہ سے متعلق شدید تحفظات کا اظہارکیا، سی ای سی نے وفاقی کابینہ کا معاملہ آصف زرداری کے سپرد کر دیا، پی پی قیادت نے وفاقی کابینہ کا معاملہ متعلقہ فورم پر اٹھانے کی یقین دہانی کرائی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔