برطانیہ میں روس کے لیے جاسوسی کرنے والے پانچ مشتبہ افراد پر جاسوسی کی سازش کا الزام عائد کیا جائے گا۔

برطانوی خبر رساں ادارے کی خبر کے مطابق اورلن روسیف، بیزر زمبازوف، کیٹرن ایوانووا، ایوان اسٹویانوف اور وانیا گابرووا کو روس کے لیے جاسوسی کے الزام میں ویسٹ منسٹر مجسٹریٹ کی عدالت میں پیش کیا جائے گا۔

میٹرو پولیٹن پولیس کی تحقیقات کے مطابق بلغاریہ کے شہریوں پر الزام ہے کہ انہوں نے اگست 2020 اور فروری 2023 کے درمیان ایسی معلومات جمع کرنے کی سازش کی جو دشمن کے لیے مفید ثابت ہوں گی۔

مدعا علیہان پر الزام ہے کہ وہ روسی سکیورٹی سروسز کے لیے ایک آپریشنل جاسوس سیل میں کام کرتے تھے اور اس کام میں اہداف کی نگرانی کرنا شامل تھا۔

ان پانچوں افراد پر برطانیہ اور یورپ میں سرگرم کارروائیوں پر کام کرنے اور روسی ریاست کے لیے معلومات جمع کرنے اور انہیں روس منتقل کرنے کا الزام ہے۔

45 سالہ روسیف پر الزام ہے کہ وہ برطانیہ سے کارروائیاں کرتے تھے اور انٹیلی جنس معلومات حاصل کرنے والوں کے رابطے کے طور پر کام کرتے تھے۔

لندن اور نارفوک میں تین مدعا علیہان روسوف، 41 سالہ ذہمبازوف اور 31 سالہ ایوانووا کی جائیدادوں کی تلاشی لینے والے افسران کو برطانیہ، بلغاریہ، فرانس، اٹلی، اسپین، کروشیا، سلووینیا، یونان اور جمہوریہ چیک کے مبینہ طور پر جعلی پاسپورٹ اور سرکاری شناختی دستاویزات ملی ہیں۔

کچھ دستاویزات میں  روسوف اور زمبازوف کی تصاویر تھیں اور یہ الزام لگایا جاتا ہے کہ روسف نے خود جعل سازی کی۔

اس گروپ پر مونٹی نیگرو میں نگرانی کے ایک آپریشن کو منظم کرنے کا بھی الزام ہے جس میں صحافیوں کے لئے جعلی شناختی کارڈ تیار کرنا بھی شامل تھا ، جس میں ایوانووا کا بھی ایک شناختی کارڈ بھی شامل تھا۔

مسٹر روسوف، مسٹر ذہمبازوف اور محترمہ ایوانووا کئی سالوں سے برطانیہ کے مضافاتی علاقوں رہ رہے ہیں اور مختلف ملازمتوں میں کام کر رہے ہیں.

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں