کرکٹ کے میدان میں اپنے بھاری بھرکم جسامت سے مشہور جزائر غرب الہند کے کرکٹر رحیم کورنوال نے سی پی ایل میں 45 گیندوں پر سنچری جڑ دی۔

تفصیلات کے مطابق ویسٹ انڈیز سے تعلق رکھنے والے 6 فٹ 5 انچ اور بھاری جسامت کے مالک رحیم کورنوال نے کیریبین پریمیئر لیگ کے میچ میں صرف 45 گیندوں پر سنچری اسکور کی۔

سب سے وزنی اور بھاری جسامت  کےکرکٹر کہلائے جانے والے رحیم کارنوال اب عالمی کرکٹ کا ایک جانا پہچانا چہرہ ہیں، جنہوں نے ویسٹ انڈیز کی جانب سے 10 ٹیسٹ میچز بھی کھیلے ہیں۔

Moment of the year – Rahkeem Cornwall getting to his 100 😭💗👏🏼 pic.twitter.com/9eyk0shEqP

Advertisement

— Barbados Royals (@BarbadosRoyals) September 4, 2023

‘گزشتہ روز رحیم کورنوال نے کیریبین پریمیئر لیگ (سی پی ایل) کے میچ میں سینٹ کٹس اینڈ نیوس پیٹریاٹس کے خلاف بارباڈوس رائلز کی جانب سے 45 گیندوں پر سنچری بنا کر سب کی توجہ اپنی جانب مبذول کرائی۔

رحیم کورنوال 48 گیندوں پر 102 رنز بنا کر ناٹ آؤٹ رہے۔ رائلز نے 221 رنز کے ہدف کا 11 گیندیں باقی رہتے ہوئے کامیابی سے تعاقب کرتے ہوئے میچ آٹھ وکٹوں سے جیت لیا۔

سنچری بنانے کے بعد رحیم کورنوال کا رد عمل بھی منفرد تھا۔ انہوں نے سنچری بنانے کے بعد اپنا بیٹ نیچے گرا دیا۔

ویسٹ انڈیز کی قومی کرکٹ ٹیم کے آل راؤنڈر رحیم کورنوال اپنے وزن کی وجہ سے اکثر مداحوں میں بحث کا موضوع بنتے رہتے ہیں۔ بہت سے کرکٹ پنڈتوں، سابق ستاروں اور ماہرین نے رحیم کو اہم مشورے دیتے ہوئے انہیں اپنے وزن کو بہتر طریقے سے سنبھالنے کا مشورہ دیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں