نیب ترامیم سے کس کس نے ملزم کو فائدہ پہنچا، احتساب بیورو نے سپریم کورٹ کو سب بتا دیا۔

تفصیلات کے مطابق نیب ترامیم سے متعلق سپریم کورٹ میں کیس کی سماعت کے دوران احتسب بیورو نے نیب ترامیم سے رواں سال فائدہ اٹھانے والوں کی تفصیلات عدالت میں پیش کردیں جس میں بتایا گیا کہ رواں سال30 اگست تک 12 ریفرنس نیب عدالتوں سے منتقل ہوئے۔

نیب رپورٹ میں عدالت کو بتایا گیا کہ ترامیم سے فائدہ اٹھانے والوں میں سابق صدر آصف زرداری، شاہد خاقان عباسی بھی شامل ہیں جبکہ خورشید انور جمالی، منظور قادر کاکا، خواجہ انور مجید کے نیب مقدمات منتقل ہوئے۔

احتساب بیورو نے رپورٹ میں بتایا کہ جعلی اکاؤنٹس کیس کے مرکزی ملزم حسین لوائی کا کیس بھی نیب کے دائرہ کار سے نکل گیا، آصف زرداری کیخلاف پارک لین ریفرنس احتساب عدالت نے ترامیم کے بعد واپس کر دیا۔

نیب رپورٹ میں یہ بھی بتایا گیا کہ اومنی گروپ کے عبدالغنی مجید کیخلاف نیب کیس بھی احتساب عدالت سے واپس ہوگئے، رواں سال مجموعی طور پر 22 مقدمات احتساب عدالتوں سے واپس ہوئے، ترامیم کی روشنی میں 25 مقدمات دیگر فورمز کو منتقل کر دیے گئے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔