امریکی میڈیا کا کہنا ہے کہ امریکی صدر جو بائیڈن یوکرین کو طویل فاصلے تک مار کرنے والے جدید ترین میزائل فراہم کرنے کا ارادہ رکھتے ہیں۔

برطانوی خبر رساں ادارے کی خبر کے مطابق امریکی صدر جو بائیڈن نے اس معاملے سے واقف امریکی عہدیداروں کے حوالے سے بتایا کہ یوکرین کو کچھ اے ٹی اے سی ایم ایس میزائل ملیں گے جن کی رینج 190 میل (300 کلومیٹر) تک ہوگی۔

یہ میزائل کیف کو فرنٹ لائن کے پیچھے روسی اہداف کو نشانہ بنانے کے قابل بنائے گا۔

یوکرین کے کم از کم ایک میزائل نے جمعے کے روز کرائمیا میں روس کے بحیرہ اسود کے بیڑے کے ہیڈکوارٹر کو نشانہ بنایا۔

یوکرین کے ایک فوجی ذرائع نے برطانوی خبر رساں ادارے کو بتایا کہ سیواستوپول کی بندرگاہ پر حملہ اسٹورم شیڈو میزائلوں کا استعمال کرتے ہوئے کیا گیا، جو برطانیہ اور فرانس کی جانب سے فراہم کیے جاتے ہیں، جو کیف کے لیے مغربی ہتھیاروں کی اہمیت کو اجاگر کرتے ہیں۔

اس طرح کے میزائلوں کی رینج صرف 150 میل سے زیادہ ہے۔

امریکی نیوز چینل اورمعروف امریکی جریدے نے نامعلوم امریکی حکام کے حوالے سے بتایا ہے کہ صدر بائیڈن نے اپنے یوکرینی ہم منصب ولودیمیر زیلنسکی سے کہا ہے کہ کیف کو ‘کم تعداد میں’ اے ٹی اے سی ایم ایس (آرمی ٹیکٹیکل میزائل سسٹم) میزائل ملیں گے۔

واضح رہے کہ امریکی صدر جو بائیڈن نے ہم منصب ولادیمیر زیلنسکی سے جمعرات کو وائٹ ہاؤس میں ملاقات کی۔

امریکی جریدے کا مزید کہنا ہے کہ آنے والے ہفتوں میں ہتھیار کیف بھیجے جائیں گے۔

دریں اثنا ایک اور امریکی اشاعتی ادارے نے بات چیت سے واقف متعدد افراد کے حوالے سے بتایا ہے کہ یوکرین کو ایک وار ہیڈ کے بجائے کلسٹر بموں سے لیس اے ٹی اے سی ایم ایس ملے گا۔

واضح رہے کہ طویل فاصلے تک مار کرنے والے میزائل کی فراہمی کے حوالے سے امریکہ اور نہ ہی یوکرین نے سرکاری طور پر امریکی میڈیا کی خبروں کی تصدیق کی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں